Eń ullı hám eń áziz bayram múnásibeti menen bir topar watanlaslarımızǵa mámleketlik sıylıqlar tapsırıldı
2026-08-26 20:00:00 / Jańalıqlar
Eń ullı hám eń áziz bayram múnásibeti menen bir topar watanlaslarımızǵa mámleketlik sıylıqlar tapsırıldı
Búgin Qaraqalpaqstan Respublikası Joqarǵı Keńesinde Ózbekstan Respublikası Ǵárezsizliginiń otız bes jıllıǵı múnásibeti menen elimizdiń rawajlanıwı jolında ayanbay miynet etip atırǵan, ǵárezsizligimizdi ele de bekkemlew, ósip kiyatırǵan jas áwladtı Ana-Watanǵa sadıqlıq ruwxında tárbiyalawda jemisli miynet etip atırǵan bir qatar watanlaslarımızdı sıylıqlaw máresimi bolıp ótti.
Onda Qaraqalpaqstan Respublikası Joqarǵı Keńesiniń Baslıǵı Amanbay Orınbaev shıǵıp sóylep, ǵárezsizligimizdiń otız bes jıllıǵı múnásibeti menen jıynalǵanlardı qutlıqladı.
Ilajda Ózbekstan Respublikası Prezidentiniń pármanına tiykar mámleketimiz ǵárezsizliginiń otız bes jıllıǵı múnásibeti menen sıylıqlanǵan watanlaslarımızǵa orden, medallar tapsırıldı.