Mámleketimizdiń joqarı sıylıqları menen sıylıqlandı
2026-08-27 17:00:00 / Jańalıqlar
Mámleketimizdiń joqarı sıylıqları menen sıylıqlandı
Prezidentimizdiń tiyisli Pármanlarına muwapıq, Ózbekstan Respublikası ǵárezsizliginiń 35 jıllıǵı aldında túrli tarawlarda pidákerlik penen miynet etip atırǵan, elimizdiń rawajlanıwı hám xalqımızdıń abadanlıǵına múnásip úles qosıp atırǵan bir topar watanlaslarımız mámleketimizdiń joqarı sıylıqları menen sıylıqlandı.
Usı múnásibet penen Nókis qalası hákimliginde shólkemlestirilgen saltanatlı máresimde bir topar nókisliler "Ǵárezsizliktiń 35 jıllıǵı" estelik kókirek belgileri saltanatlı túrde tapsırıldı.
Ilajda Nókis qalası hákimi Abat Daniyarov qatnasıp, sıylıqlanǵanlardı ǵárezsizligimizdiń 35 jıllıǵı menen qızǵın qutlıqladı.
Sonday-aq, mámleketimizdiń joqarı sıylıqları hám estelik kókirek belgilerin óz ielerine tapsırdı.
Máresimde shıǵıp sóylegen sıylıq ieleri olarǵa kórsetilip atırǵan joqarı itibar hám bildirilip atırǵan isenim ushın Prezidentimizge tereń minnetdarshılıq bildirdi.