Qaraqalpaqstan Respublikası Nókis qalası hákimligi

«Jańa Ózbekstan - sociallıq mámleket» principi ámelde

Mámleketti rawajlandırıwdıń birden-bir jolı-xalıq hám húkimettiń tileklesligi, bir pútin xalıq, birden-bir Watan bolıp alǵa umtılıw kerek.
Húrmetli Prezidentimizdiń belgilep bergen hám barlıq reformalar «Xalıq mámleketlik uyımlarǵa emes, mámleketlik uyımlar xalıqqa xızmet etiwi kerek» degen xalıqshıl principler tiykarında alıp barılmaqta.
Búgin,qala hákimi A.Daniyarov basshılıǵında sonday-aq, qala prokurorı hám qalalıq Ishki isler bólimi menen birgelikte
qaladaǵı ulıwma MPJ daǵı «jetilik» penen ushrasıwı bolıp ótti. Onda «Xalıq turmısın jaqsılawǵa qaratılǵan rejeler hám belgilengen tapsıramalardıń orınlanıwı»na  qaratılǵan is-ilajlardıń barısı boyınsha sın kózqarastan kórip shıǵıldı, baha berildi.
Usı sheńberde máhállelerdiń abatlıǵı, bántlik máseleleri keńnen talqılandı.
Xabarıńız bar, Nókis qalası aymaqlarında, kóshelerinde úlken binyatkarlıq jumısları ámelge asırılmaqta.
Bul iygilikli islerdi elede en jaydırıwda, xalıq bántligin támiyinlewge qaratılǵan alda jumıslar kóp.
Búgingi ashıq pikirlesiw hám sın kózqarastan ótkerilgen talqılawlardıń tiykarǵı maqseti— máhállelerdegi hár bir shańaraqqa usı unamlı ózgeristerdi jetiziw bolıp tabıladı. Sebebi, xalıq penen mámleketlik uyımlar arasındaǵı bekkem isenim hám birlik qalamızdıń bunnan da rawajlanıwına hám xalıq razılıǵına erisiwdiń tiykarǵı kepil bolıp xızmet etedi.»