"Bir ármanımız, bir kewlimiz, Bir ǵana qosıǵımız el arasında..."
2026-08-03 18:00:00 / Jańalıqlar
"Bir ármanımız, bir kewlimiz,
Bir ǵana qosıǵımız el arasında..."
Jaqsılıq hám awızbirshilik mánzili - Nókis
Búgin Nókis qalası hákimi A.Daniyarovtıń qalalıq mákeme hám shólkemlerdiń basshıları hámde máhálle jetiligi menen ótkergen ushırasıwı áne usınday joqarı ruwx hám birdey maqsetler astında bolıp ótti.
Húrmetli Prezidentimizdiń atap ótkenindey, bıyıl mámleketimiz Ǵárezsizliginiń 35 jıllıǵı "Bir Watan, bir xalıq bolıp, jańa ómir hám keleshek jaratamız!" degen iygilikli ideya tiykarında keńnen belgilenbekte. Xabarıńız bar, usı múnásibet penen elimizde járiyalanǵan "Máhállede abadanlıq hám miyrim-shápáát aylıǵı" jáne "Áhmietli 40 kúnlik" sheńberinde Nókis qalasınıń hár bir gúzarında xalqımızdıń belsendiligi menen keń kólemli abadanlastırıw jumısları alıp barılmaqta.
Áne, usınday iygilikli hám sawaplı jumıslardı turaqlı túrde keńeytiwge qaratılǵan máseleler, bar mashqala hám kemshilikler qala hákimi tárepinen hár tárepleme dodalandı.