30-iyul - mámleketimizde Xalıqlar doslıǵı kúni sıpatında belgilenedi.
2026-07-29 22:00:00 / Jańalıqlar
30-iyul - mámleketimizde Xalıqlar doslıǵı kúni sıpatında belgilenedi.
Usı sáne múnásibeti menen paytaxtımızda "Doslıq festivalı" shólkemlestirildi.
Jámiyette tatıwlıq, doslıq, óz-ara awızbirshilik ornaǵan bolsa, rawajlanıw, eldiń tınıshlıǵı hám eldiń abadanlıǵı húkim súredi. Búgin hámmemiz tınısh kúnimizge, mol dasturxanımızǵa shúkirshilik etip, awızbirshilikli hám tuwısqan bolǵan kóp milletli Ózbekstanda jasap atırǵanımız bizlerdiń baxtımız ekenin atap ótiwimiz orınlı.
Nókis qalasında 12 den aslam millet hám xalıq wákilleri jasaydı. Olar qalamızdıń sociallıq turmısında óz ornına ie. Bilimlendiriw mákemelerinde sabaqlar ózbek, qazaq, qaraqalpaq hám rus tillerinde alıp barıladı.
Bayram múnásibeti menen shólkemlestirilgen ilajda milliy xalıq qosıqları hám kórkem óner ǵayratkerleriniń shıǵıwları jıynalǵanlarǵa ózgeshe kóterińkilik baǵıshladı.
Bunday ilajlar elimizde milletleraralıq tatıwlıq, óz-ara húrmet hám awızbirshilikti bunnan bılay da bekkemlewge xızmet etedi.