Prezident Shavkat Mirziyoev Jańa Tashkent qalasında alıp barılıp atırǵan qurılıs jumısları menen tanıstı.
2026-07-28 21:30:00 / Jańalıqlar
Prezident Shavkat Mirziyoev Jańa Tashkent qalasında alıp barılıp atırǵan qurılıs jumısları menen tanıstı.
Mámleketimiz basshısı dáslep Jańa Tashkent qalasın qurıw direkciyasında boldı. Bul jerde qalanıń keń kólemli maketi hám sanlı kartası tiykarında qurılıslardıń ulıwma barısı, iri obektlerdiń óz-ara jaylasıwı hám gezektegi qurılıs rejeleri haqqında málimleme berildi.
Transport hám injenerlik infrastrukturasın qurılıslar menen únles rawajlandırıw, jasıl aymaqlar hám jámietlik mákanlardı óz-ara baylanıstırıw, Jańa Tashkentti paytaxttıń ámeldegi aymaǵı menen úzliksiz baylanıstırıw máseleleri kórip shıǵıldı. Barlıq joybarlardı bir pútin qala qurılısı koncepciyası tiykarında, joqarı sapa hám arxitekturalıq sáykeslikti támiyinlegen halda ámelge asırıw zárúrligi atap ótildi.
Bunnan soń Prezident Nizamiy atındaǵı Ózbekstan milliy pedagogikalıq universitetiniń Jańa Tashkentte qurılıp atırǵan kampusın kózden ótkerdi.