Ǵárezsizlik bayramına tayarlıq jumısları elimiz boylap joqarı keypiyat hám úlken kúsh-ǵayrat penen dawam etpekte. Qalamızdı jáne de kórkemlestiriw, jasıl mákanlardı keńeytiw hám xalıqqa bayram keypiyatın baǵıshlaw maqsetinde abadanlastırıw ilajları izbe-i
2026-07-23 18:00:00 / Jańalıqlar
Ǵárezsizlik bayramına tayarlıq jumısları elimiz boylap joqarı keypiyat hám úlken kúsh-ǵayrat penen dawam etpekte. Qalamızdı jáne de kórkemlestiriw, jasıl mákanlardı keńeytiw hám xalıqqa bayram keypiyatın baǵıshlaw maqsetinde abadanlastırıw ilajları izbe-iz ámelge asırılmaqta.
Búgin keshki saat 18:00 de Nókis qalası hákimi A.Daniyarovtıń qatnasıwında "Dolzarb 40 kunlik" ilajları sheńberinde qaladaǵı máhálle belsendileri hám nuraniylar menen ushırasıw bolıp ótti. Keshki salqın hám ortasha hawa rayı qatnasıwshılarǵa kóterińki keypiyat baǵıshladı.
"Áhmietli 40 kúnlik" ilajlarınıń mazmun-mánisin keń jámiechilikke qalıs hám operativ jetkeriw maqsetinde processke ǴXQ wákilleri, jurnalistler hám sociallıq tarmaqlardaǵı belsendi blogerler de keńnen tartıldı.
Ushırasıwda qala hákimi ayrıqsha atap ótti: "Tiykarǵı maqsetimiz, ótinishimiz - elimizde ámelge asırılıp atırǵan qayırlı reformalar hám iygilikli jumıslar kóshelerdegi shań hám shıǵındılardıń astında kórinbey qalıp ketpewi bolıp tabıladı."