"Shadlı awıl"daǵı jańa máhálle imaratı - ǵárezsizlik bayramına xalıqtıń múnásip sawǵası boldı
2026-07-21 12:00:00 / Jańalıqlar
"Shadlı awıl"daǵı jańa máhálle imaratı - ǵárezsizlik bayramına xalıqtıń múnásip sawǵası boldı
Ádette sawǵa beriledi. Biraq sawǵalardıń eń bahalısı insannıń óz miyneti, umtılısı hám tatıwlıq penen jaratılǵanı bolıp esaplanadı. Ǵárezsizligimizdiń 35 jıllıq toyı aldınan "Shadlı awıl" xalqı áne usınday biybaha sawǵaǵa iye boldı. Aymaqta "Baslamalı byudjet" joybarı sheńberinde jańa máhálle imaratı boy tikledi.
Bul awızbirshiliktiń nátiyjesi, gózzallıǵı degeni. Sol sebepli, búgin jurnalist hám blogerler ushın "Xalıq qolı menen tiklengen, qurılǵan imaratlar" atamasında media-tur shólkemlestirildi. ǴXQ wákilleri xalıqtıń óz baslaması menen júzege kelgen dóretiwshilikti óz kózleri menen kórdi.
Jáne de itibarlısı, bul janlı processler Qaraqalpaqstan radiokanalınıń "Áhmiyetli sáwbet" esittiriwi arqalı tikkeley efirde sáwlelendi. Radio ıklasbentler bayram qarsańındaǵı xosh xabardı hám xalıq awızbirshiliginiń real nátiyjesin janlı sáwbetlesiwde sezdi.
"Shadlı awıl"daǵı jańa imarat ápiwayı bir máhálleniń emes, al puqaralıq jámiyetiniń rawajlanıp atırǵanı hám xalıq óz keleshegin óz qolı menen qurıp atırǵanınıń ayqın dáliyli bolıp esaplanadı