Jańa sharayat - sapalı bilimlendiriwge qádem
2026-07-06 18:00:00 / Jańalıqlar
Jańa sharayat - sapalı bilimlendiriwge qádem
Nókis qalası 22-sanlı ulıwma bilim beriw mektebinde oqıwshılar ushın zaman talabına ılayıq bilim alıw hám qolaylı sharayat jaratıw maqsetinde rekonstrukciya jumısları alıp barılmaqta.
Ámelge asırılıp atırǵan qurılıs hám ońlaw jumısları nátiyjesinde mektep imaratı zaman talaplarına sáykes túrde jańalanıp, oqıwshılarģa jáne de qolaylı, qáwipsiz hám ıqsham sharayatlar jaratıladı. Jańalanǵan klass xanaları, zamanagóy infrastruktura hám qolaylı bilimlendiriw ortalıǵı oqıwshılardıń bilim alıwǵa bolǵan qızıǵıwshılıǵın jáne de arttırıwǵa xızmet etedi.
Jaratılıp atırǵan bunday sharayatlar jas áwladtıń sapalı bilim alıwı, óz qábiletin tolıq kórsetiwi hám keleshekte jetik qánige bolıp jetilisiwine bekkem tiykar jaratadı.