Ele olar jáhán chempionı boladı
2026-06-25 17:00:00 / Jańalıqlar
Usı jıldıń 24-iyun kúni paytaxtımızdaǵı "Gúres sport túrine qánigelestirilgen" sport zalında Nókis qalası máhálellerindegi jaslar arasında sporttıń "Gúres" túri boyınsha "Bes baslama olimpiada" sı jarısı bolıp ótti.
Ele olar jáhán chempionı boladı
Usı jıldıń 24-iyun kúni paytaxtımızdaǵı "Gúres sport túrine qánigelestirilgen" sport zalında Nókis qalası máhálellerindegi jaslar arasında sporttıń "Gúres" túri boyınsha "Bes baslama olimpiada" sı jarısı bolıp ótti.
Esletip ótemiz, "Bes baslama olimpiada"sı máhálleler arasında 2022-jıldan baslap ótkeriledi.
"Jaslar isler agentligi" qalalıq bóliminiń málim etiwinshe, usı jılı paytaxtımız máhállelerinen 100 000 nan aslam jaslar olimpiadada qatnasıw ushın onlayn dizimnen ótken. Bul kórsetkishler jaslar arasında olipiada jarıslarınıń abırayı artqanın bildiredi.
Jeńimpazlardı sıylıqlaw ushın Nókis qalası prokurorı R.Bauaddinov, qalalıq "Jaslar isler agentligi" bólim baslıǵı M.Abdiramanov, Kurash federaciyasi atqarıwshı direktorı S.Jusipbekov qatnastı.Bunday jarıslar bizge tek ǵana kúshlilerdi anıqlap qoymay, jaslarda jámiyetshilik ruwxın, óz máhállesi hám eline bolǵan mehir-muhabbattı qáliplestiriwge xızmet etedi. Isenemiz, paytaxtımızdan ele kóplegen jáhán hám olimpiada chempionları jetisip shıǵıwında "Bes baslama olimpiada"sı birinshi qádem bolıp xızmet etedi.