19.06.2026-jıl, Nókis qalası hákimligi Málimleme xızmeti
 
Prezidentke raxmet ayta ber, kelin

Nókis qalasında úsh jıllıq penen talqılap kórgenimizde, puqaralardan kelip túsip atırǵan arzalar sanı ótken hám bıyılǵı jılda kemeygenligi málim boldı

Bul neden derek beredi?  Álbette, Prezidentimizdiń berilgen tapsırmalarına xalıq múrájatların úzliksiz tıńlaw hám olarǵa unamlı sheshim tabıwǵa qaratılǵan ádalatlı sistemanıń elimizde  engiziliwin kórsetedi.
Ayrıqsha atap ótiwimiz kerek, Nókis qalası hákimligi ótken 2026-jılda múrájatlardı unamlı sheshiliw dárejesi boyınsha usı jıldıń ózinde  Ózbekstanda 208 qala-rayonlardı arqada qaldırıp may ayında 66,26% , 1828 múrájattı unamlı sheship birinshi orınǵa shıqtı. Qaraqalpaqstan Respublikası kóleminde aytatuǵın bolsaq, úsh ay dawamında birinshilikte kiyatır. 

Házirgi waqıtları qala hákimligine  sociallıq mashqalalar yaǵnıy  puqaralarımız densawlıǵın tiklew máselesinde, aliment óndiriwde, qońsısı menen jer dawları menen múrájatlar  bolmaqta.
Nókis qalası hákimliginiń múrájatlardı sistemalı   úsh jıllıq penen analizlesek puqaralardan kelip túsetuǵın arzalar sanı ótken bir jıl ishinde azayǵanınıń gúwası bolmaqtamız. Ótken úsh jıl ishinde 1690 shańaraqtıń  úy tóbeleriniń  shiferlanıwına erisildi.  

Bul neden derek beredi? Álbette, Prezidentimizdiń tapsırması menen  puqaralar múrájatın, Xalıq múrájatların úzliksiz tıńlaw hám olarǵa unamlı sheshim tabıwǵa qaratılǵan ádalatlı sistemanıń mámleketimizge engizilgeniniń anıq sanlı faktı tarqalı biz sociallıq qollap-quwatlaytuǵın mámlekette jasap atırǵanımızdı tastıyıqlap turıptı. Biz abat turmıstı qurıwdaǵı processler ishindemiz,  jasamaqtamız. Maqtanısh penen qosıp ótiw orınlı Qaraqalpaqstan Respublikası Joqarǵı Keńesi Baslıǵı A.Orınbaevqa jollanǵan múrájatlardı sheshiwde mámleketimiz tárepinen sociallıq mashqalaları bolǵan puqaralarǵa bir ǵana Nókis qalasında on bir jay qayta salınıp berilmekte.
Onda nege qala hákimligine múrájat etiwshiler elege shekem bar degen soraw tuwılıwı tábiyiy.
Bunda puqaralarımız densawlıǵın tiklewde, aliment óndiriwde, qońsısı menen jer dawları, járdem pul alıw boyınsha múrájatlar kelip túsip atırǵanın belgilep ótkimiz keledi.  
Mámleketimiz sociallıq járdemlerdi byurokratiyalıq tosıqlardı qısqartıwda insan qatnasısız milliy sanlı sistemada is júritetuǵınlıǵın elege shekem puqaralarımız túsinbey atırǵanın sebep etip kórsetsek boladı. Onda kimnińdur jaqını yamasa ''tanısı bardıń shansı" degen sózler orınsız.  Yaǵnıy siziń járdem pul soraǵan múrájatıńız insan qatnasısız sistemaǵa atı jónińiz salınadı hám onda kórip shıǵılıp sistemanıń ózi  belgilep beredi.

Búgin de qala hákimniń orınbasarları  M.Kannazarov, Z.Dáwletnazarova, G.Davletmuratovlar puqaralardı qabılladı.
Bunda kadastr máseleleri,  úy-jay menen támiyinlew, sociallıq qollap-quwatlawǵa járdemler boyınsha puqaralarımız járdemler soradı.

Qala hákimligi jolǵa qoyılǵan  múrájatlardı mánzilli sheshiwdegi jol kartası menen  adamlar menen sáwbetleskenimizde, múrájatshılardıń tiykarǵısı jaqın eki, úsh jıllıqta  awıldan Nókiske kóship kelgenligi sebepli ásires jas shańaraqlardıń turaq-jayın ońlawǵa yamasa salıp beriwge járdemler sorap atırǵanlıǵınıń gúwası bolmaqtamız.
Biraq, mámleket járdem beredi dep on eki múshesi saw bolsa da "kámbaǵallıq kiyimin kiyip júrgeni" qanshelli durıs?
Nókiste isbilermenlik isleymen deseń de , qol ushı talap penen shuǵıllanaman  deseń de múmkinshilik bar. Máselen, kishi biznes baslawda aymaqtaǵı hákim járdemshisi biznes rejesi menen qosımsha jeńilletilgen kreditler usınbaqta.
Kúni keshe mánzilli  úyreniwlerde, «Nurlı bostan» MPJ da jasawshı  G.D menen sáwbetlesiw máwritlerinde (oǵan házirgi waqıtta jay salınıp berilmekte) Nókis qalasında qol ushı talap penen qurılıs jumıslarında jumısshı bolıp islep júrgen  kegeylishi Murat aǵa úydiń  iyesine bılay aytqanı dıqqatımızdı tarttı.
- Prezidentke raxmet ayta ber kelin. Ol insan bolmaǵanında jay saǵan qayda? -deydi.
Ápiwayı qurılısshınıń mámlekettiń, Prezidenttińizdiń xalıqqa járdemlerin kórip turǵanı sociallıq  elde jasap atırǵanımızdı bildiredi. Bunda statistika ya raqamlar emes insannıń gúwalıǵı jeterli.
E.Sagalatdinova