Qaraqalpaqstan Respublikası Nókis qalası hákimligi

«Baslamalı byudjet» Nókis qalası aymaqların abat mánzilge aylandırmaqta

Doslıqtıń imaratı, 
Mudamı tursın aman
Ibrayım Yusupov

Bir neshe jıllar burın qońsı-qobalar hár kimniń úyiniń aldında yamasa  saya-salqın  , yamasa samaldan ızǵırın, ıqlaw  jerde gúrrińleser edi. Ol ótken  kúnler sol dáwirdegi  ózimizge tán jasaw turmıs- tárizimiz boldı. Jaqın on  jıllıqta kóshe basında otırǵanlardı «Hawanıń direktorları» dep, sırtlay áńgime etip júrgenbiz… 
Biraq, jámiyetke bunday adamlar da kerek ekenligin keyin-keyin túsinip atırmız. Óy degenim , aymaqta kóshege kim kirip-shıǵıp atırǵanın kórip- bilip,  ótken-ketkendi baqlap, bardı-joqtı barlap xabardar bolatuǵın kóshe belsendilerine búgin de mútájbiz desek te aljaspaymız. 
Burınları «Esmeralda» seriyalın tamashalap otırǵanında úyin «kóterip» ketipti degen áńgimlerdi de esitetuǵın edik.
Hámme telegram , vatsap toparlarda pútkil aymaqtıń janalıqların usı jerde jazısadı, jası úlkenler jaza almasa «golosovoy»dan  xabarların jiberedi. 
Kóshe tım-tırıs….
Búgin elimizde «Baslamalı byudjet»ten aymaqlardıń shıraylı túske eniwine  maqsetli qarjılar ajratılıp, xalqımızdıń belsendiligi arqasında ózi jasaytuǵın orınlardıń abadanlasıwına, jańa imaratlardıń iske túskeni bolsa  xalqımız  iygiligine xızmet etip atır. Bul júdá jaqsı! 
Qalamızdaǵı «Qızıl qum» hám «Isbilermenler aymaǵı» MPJlarında bıyılǵı jılı da keń kólemli abadanlastırıw jumısları ámelge asırılıp atır. Aymaqtı úyrenilerden soń  puqaralardıń pikir-usınısları tıńlanıp, «Baslamalı byudjet» járdeminde payızlı demalıw orınları jaratılmaqta.  

Aymaqtaǵı jası úlkenlerdiń aytıwı boyınsha bul ájayıp mákanǵa aylanıp atırǵan orınlarda  mádeniy dem alıp , «ayaqtı jazıp» bir maydan samallap, qońsı-qobalar menen sáwbetlesip otırıwǵa múmkinshilik tuwdırılǵanı kópshiliktiń kewil-keypiyatınıń  kóteriliwine jaqsı is bolǵanlıǵın shın kewilden bildirmekte.

Elmira Sagalatdinova.

Súwretleri túsirgen Nawrız Júzbaev.