«Mámleketlik qáwipsizlik xızmeti kubogi»
2026-06-11 20:00:00 / Jańalıqlar
Búgin, Nókis qalası Doslıq kanalı boyındaǵı jaslar maydanshasında «Mámleketlik qáwipsizlik xızmeti kubogi»oyınlarınıń Nókis qalalıq basqıshı jeńimpazların sıylıqlaw máresimi bolıp ótti. Onda qala hákimi A.Daniyarov sózge shıǵıp jıynalǵanlardı sport oyınlarındaǵı jeńisi menen qutlıqladı. Jáne de olarǵa respublikalıq basqıshtaǵı sport jarıslarına áwmet tiledi. Ilajda Nókis qalası prokurorı
R.Bauaddinov, qalalıq Ishki isler basqarması baslıǵı M.Xojamuratov, qalalıq Mámleketlik salıq
inspekciyası baslıǵı
A.Seytovlar qatnasıp jaslardı qutlıqladı.
Sonıda aytıwımız kerek, «Mámleketlik qáwipsizlik xızmeti kubogi» Nókis qalalıq basqıshınıń juwmaqlanıw saltanatınıń futbol 2026-jılǵı Jáhán chempionatına rásmiy start beriliwi kúnine durıs kelmekte. Álbette bul quwanıshlı jaǵday. 18-iyun kúni jerleslerimiz ushın tariyxıy áhmiyetke iye bolǵan dáslepki ushrasıw Kolumbiya saylandı komandasına qarsı bolıp ótedi.
Xosh,búgingi jarısta kimler jeńimpaz boldı? Jarısqa ulıwma 71 MPJ nan erler arasınan 71 komanda sonday-aq,qızlar arasınan 71 komanda qatnastı.
«Futbol» boyınsha
1-orındı Nókis qalası «Tunǵısh qonıs» máhálle komandası, 2-orındı «Qosbulaq» máhálle komandası, 3-orındı «Shıǵıs» máhálle komandaları jeńimpaz boldı.
Erler arasında «Mini futbol» da 1-orındı «Ata mákan»MPJ, 2-orındı «Nawrız» máhálle komandası, 3-orındı «Jayxun» máhálle komandaları jeńimpaz boldı.
Sporttıń «Mini futbol» túrinen hayal-qızlar arasında “Mámleketlik qáwipsizlik xızmeti” kubogınıń Nókis qalalıq basqıshında sıylı
1-orındı «Anasay» máhállesi, 2-orındı «Almazar» máhállesi, 3-orındı «Botanika baǵı» máhálle komandaları jeńimpaz boldı.
Jeńimpaz komandalarǵa diplom hám estelik sawǵalar berildi.
Sıylıqlaw máresimi koncert baǵdarlaması menen óz juwmaǵına jetti.