Qurılısqa ruqsat alıwda isbilermenlerdiń qárejetleri eki esege shekem qısqartıladı
2026-06-05 10:00:00 / Jańalıqlar
Qurılısqa ruqsat alıwda isbilermenlerdiń qárejetleri eki esege shekem qısqartıladı
Bul baǵdarda bıyıl 4-iyun kúni qol qoyılǵan “Qurılıs tarawında nátiyjege tiykarlanǵan basqarıwdı engiziw hám tarawda mámleketlik xızmetlerdi ápiwayılastırıw ilajları haqqında”ǵı Prezident pármanında bir qatar wazıypalar belgilendi.
Atap aytqanda, 2026-jıl 1-sentyabrden respublikanıń barlıq aymaqlarında usı pármanda názerde tutılǵan mámleketlik xızmetler birlestirilip, birden-bir mámleketlik xızmet – arxitektura hám qala qurılısı talabın beriw sisteması engiziledi.
2026-jıl 1-iyulden obektlerdi injenerlik-kommunikaciya tarmaqlarına jalǵaw “1 arza – 1 tólem – barlıq jalǵanıw noqatları” principi tiykarında kompozit tárizde ámelge asırıladı.
Imarattıń konstrukciyası, bekkemligi hám órt qáwipsizligine tásir etpeytuǵın, quwatlılıǵı hám maqsetiniń ózgermegen halda qala qurılısı normalarına qayshı bolmaǵan joybardaǵı rejelestiriw strukturasında (planirovkada) ózgerisler bolǵan jaǵdayda usı imarattıń joybarın
qala qurılısı ekspertizasınan ótkeriwde joybar hújjetlerin aymaqlıq keńesler menen qayta kelisiw ámeliyatı biykar etiledi.
Qurılıs tarawında mámleketlik xızmetlerdi kórsetiw procesinde anıqlanǵan kemshiliklerdi saplastırıw ushın qosımsha 5 jumıs kúni beriledi.
2026-jıl 1-sentyabrden qurılıs obektlerin qadaǵalawda videobaqlaw kameralarınan paydalanıw jáne qurılısı jańadan baslanatuǵın isbilermenler tárepinen qurılatuǵın kóp kvartiralı turaq jaylar, III hám IV kategoriyadaǵı sociallıq taraw, miymanxana, turizm, sawda hám sanaat obektlerinde videobaqlaw kameraların májbúriy ornatıw ilajları kóriledi.
Sonday-aq, byudjet esabınan qurılatuǵın bahası 3 mlrd. sumnan joqarı bolǵan obektlerde de.
ÓzA