Qaraqalpaqstan Respublikası Nókis qalası hákimligi

Nókis qalasında “Hayallar dápteri”n júrgiziw boyınsha jańa tártipler dodalandı
 
Nókis qalası hákimliginde 2026- jıl ushın “Hayallar dápteri”n júrgiziw jáne sistemadaǵı jańa ózgerisler hám tiykarǵı wazıypalarǵa baǵıshlanǵan ushırasıw bolıp ótti.
Ózbekstan Respublikası Ministrler Kabinetiniń 2026 jıl 12-may kúngi 239-sanlı qararı menen Hayallar dápteriniń Nızamı tastıyıqlanıp, bunda 7-basqısh “Hayallar dápteri”ne kiritilgen ózgerislerden taypalar sanı 6 bolǵan bolsa, házirde 1-taypası “Sociallıq qorǵawǵa mútáj bolǵan hayal-qızlar”,  2-taypası “Isbilermenligin jolǵa qoyıwdı qálewshi hayal-qızlar”, 3-taypası “Úy-jay sharayatın jaqsılawǵa mútáj bolǵan hayal-qızlar”, 4-taypası “Medicinalıq hám psixologiyalıq járdemge mútáj hayal-qızlar”, 5-taypası “Huqıqıy járdemge mútáj hayal-qızlar” bolıp  5 ke kemeyttirilgeni hámde “Hayallar dápteri” dizimine birinshi gezekte “Sociallıq resstrda turǵan” kámbaǵal shańaraqlardaǵı hayal-qızlar, onnan keyin mútáj bolǵan, biraq,  “Sociallıq resstr”ǵa kirmegen hayal-qızlar kiritiliwi haqqında ushırasıw qatnasıwshılarına keńnen túsinikler berildi.
Búgingi kúnde qala ishinde 10 469 hayal-qızlar mútájligi boyınsha joqarıda atap ótilgen 5-taypası boyınsha dizimleri qáliplestirilgen.
           
Ushırasıwda, Ózbekstan Kásiplik awqamı Federaciyasınıń Qaraqalpaqstan Keńesi baslıǵı U.Jalmenov, qalaǵa biriktirilgen wákili B.Ismaylov, qala hákiminiń birinshi orınbasarı M.Kannazarov, qalalıq «Shańaraq hám hayal-qızlar» bólimi baslıǵı Z.Dáwletnazarova hám qalalıq isshi topar aǵzaları qatnastı.