Qaraqalpaqstan Respublikası Nókis qalası hákimligi

Qanat jayǵan umtılıw

Ómirde óz jolın tabıw, hadal miynet penen shańaraqtı baǵıw hár bir insannıń eń ullı maqsetlerinen biri. Nókis qalasınıń "Náwpir" máhállesinde jasaytuǵın Nesiybeli Erjanovanıń jumısı hám oǵan kórsetilgen ámeliy járdem pikirimizdiń ayqın dálili bolıp esaplanadı.
Nesiybeli apa sharayat joqlıǵınan nalıp otırmay, óz shańaraǵında shóje kóbeytip, dáramat tabıwdı maqset etti. Biraq, zamanagóy inkubatordıń joqlıǵı máyekten shójelerdi shıǵarıwda úlken qıyınshılıqlardı payda ete basladı. Bunday jaǵdayda qıyınshılıqqa moyımay  sheshim izlep Nókis qalası hákimligine múrájat etti. Bul múrájat ápiwayı járdem soraw emes, al "men miynet etpekshimen, maǵan imkaniyat beriń" degen shın kewilden usınısların biildirdi.
Quwanıshlı tárepi, bul múrájat juwapsız qalmadı. Elimizde múbárek Qurban hayıtı bayramın belgilew aldınan, usı jaqsı kúnlerdiń payızı sıpatında, qala hákimligi hám saqawatlı qáwenderlerdiń járdemi menen Nesiybeli apanıń shańaraǵına arzıwındaǵı inkubator úskenesi jetkerip berildi.