Qaraqalpaqstan Respublikası Nókis qalası hákimligi

Múmkin emesti múmkinge aylandırǵan dóretiwshilik processler

Dúnyada medicina ilimi rawajlanıp,  eń awır quramalı operaciyalarda sátli ótkerilip atırǵanınıń gúwası bolmaqtamız.  Bunnan 20,30 jıllar aldıńǵı múmkin emes degen ámeller búginde jaqsılıq penen dawam etiw múmkin degen sóz benen medicina dálillep bermekte. Medicina ilimi hayal-qızlardıń jasarıwın  da názerde shette qaldırmay atır. Hár túrdegi boteks hám fillerler payda bolıp, bir ǵana shanshıw kimlergedur gózzalasıw baxıtın bermekte. 
Jasalma bolsa da kewilge qáterjamlıq tuyǵısın inam etip atırǵanı bar gáp.  Bul tuyǵıwnı alıw ushın bolsa,  pul kerek, jáne pul kerek...

Bir, eki jıllar aldın Nókis kóshelerine egilgen roza gúlleri búginde jol shetinde ashılıp gózzallıq sezimlerin jolawshılarǵa baǵıshlamaqta.
Eger esińizde bolsa, bunnan 10 jıl ilgeri "Tashkent" miymanxanası kesilispesiniń aylanba jolında roza gúllerin kóriw imkaniyatı bar edi. 
Búgin bolsa qalamızdıń gúzar jolları boyında roza gúlleri ashılıp, kórgen kózdi quwandırmaqta. 
Nókis kóshelerinde hár túrdegi gúller, dekorativ hám miyweli terekler egilip, úlken dóretiwshilik miynet penen gózzallıq qoldan jaratılmaqta. 
Bunda túrtki bolǵan Húrmetli Prezidentimizdiń baslaması menen  "Jasıl mákan" ulıwmamilliy háreketi bolıp esaplanadı.

Joqarıda kórsetip ótkenimizdey, medicinanıń múmkin emes sózi múmkin degenge  almastırǵanı sıyaqlı mámleketimizde awır ekologiyalıq orınǵa jasıl mákandı jarata bilgenin kórip, múmkin emesti múmkinge aylandıra alǵanına tásiyin qalasań. 
Jáne bir mıssallardıń biri xalıqtıń basshı hám hákimlerge tikkeley múrájat etiwi de bunnan 10 jıl aldın bizge múmkin emestey túyilgen bolsa, Prezidentimizdiń mámleketlik siyasatta túp-tiykarınan burılıs jasawı, uzaqtı gózlegen strategiyasında xalıq turmısın jaqsılawǵa qaratılǵan dóretiwshilik jumıslar basqıshpa-basqısh óz nátiyjesin berip, adamlar turmısınıń jaqsılanıwına iye bolmaqta.
Usı orında aytı ótiwimiz kerek, sociallıq tarmaqlarǵa jaylastırılǵan videokontentlerimizge ayırım puqaralarımız tárepinen "Bunıń ornına zavod, fabrika qursańız bolmay ma?",  ''Jaslar jumıssız júr ǵoy!"- degen pikirlerdi bildirdi.
Usınday túsinispewshiliklerge qolımızdan kelgeninshe ápiwayı xalıqshıl túrde juwap bergimiz kelip tur.

Eger mámleket barlıq qarjısın bir neshe úlken sanaat obektlerin shólkemlestiriwge jumsasa hám ol bazar básekisine shıdamay bankrot bolsa, pútkil mámleket byudjeti sezilerli zıyan kóredi. Biraq sonday qarjılar kishi kredit hám subsidiyalar kórinisinde mıńlaǵan jaslarǵa hám isbilermenlerge bólip berilse, qáwip diversifikaciyalanadı, yaǵnıy tarqatıladı. Bir neshe adam bizneste sátsizlikke ushıraǵan jaǵdayda da, qalǵan mıńlaǵan isbilermenler ayaqqa turıp ketedi. Eń tiykarǵısı, bul sistema jámiyette xosh jaqpas (berseń jeymen, bermeseń ólemen) keypiyatın saplastırıp, jaslardıń erkin pikirlewge hám juwapkershilikti óz moynına alıwǵa úyretedi.
Xosh , bunda dúnya tájiriybesi ne deydi?
Mámleket úlesin azaytıw hám jeke isbilermenlikti rawajlandırıw siyasatı búgingi kúnde dúnyanıń eń bay mámleketleri tárepinen sınap kórilgen usıllar bolıp esaplanadı.

Atap aytqanımızda, Ullı Britaniyanıń (1980-jılları) Bas ministr Margaret Tetcher dáwirinde mámlekette zıyan menen islep turǵan úlken kómir hám transport kárxanaları jeke menshikke ótkerildi (privatizaciyalandı). Bul reforma Ullı Britaniyanı tereń ekonomikalıq daǵdarıstan qutqarıp, dúnyanıń eń jetekshi finanslıq orayına aylandıra aldı.

Qubla Koreya 1960-jıllarda kámbaǵallıqtan shıǵıwda  mámleketlik zavodlardı shólkemlestirmey, al, jeke shańaraqlıq isbilermenlikke subsidiya hám jeńilletilgen kreditler usındı. Nátiyjede búgin dúnya bazarın iyelegen Samsung, LG hám Hyundai sıyaqlı ǵárezsiz gigant kompaniyalar payda boldı.

Germaniya. Nemis ekonomikasınıń tiykarın salıwshı "Mittelstand" dep atalıwshı joybarında kishi jeke  isbilermenlik kárxanalardı qollap-quwatlawında Germaniya húkimeti jaslardıń innovaciyalıq joybarlarına turaqlı ráwishte grant hám subsidiyalar ajıratıp, ekonomikanıń turaqlı bolıwın támiyinledi.
Rawajlanıwdıń ekonomikalıq modelinde mámlekettiń tiykarǵı wazıypası biznes penen shuǵıllanıp pul tabıwda emes, al isbilermenlerdiń erkin jumıs alıp barıwına sharayat jaratıp beriwden ibarat. 
Sózimiz mısalında aldıńǵı bes jıl ishinde bir ǵana Qaraqalpaqstan mısalında  jumıssız puqaralarǵa, hayal-qızlarǵa hám jaslarǵa subsidiya jáne de jeńilletilgen kreditler tiykarında 3000 nan aslam ásbap-úskeneler alıp berildi.
Áne usınday videokontentlerge de sóz tabıwshı ayırım puqaralarımız ushırastı. (https://t.me/nukus_pressa/3546)
Yaǵnıy "Hámme tiginshi bola bergen de me?", "Hámme isbilermen bola bergen de me?" degen pikirlerdi de biz oqıdıq. 
Aytıwımız orınlı, elimizge belgili isbilermenler Amerikada , Evropada oqıp kelmegen. Bárshesi áste aqırınlıq penen rawajlanǵanında usı jerge ilip ketkimiz kelip tur. Olar mámleketten bir swm almay isbilermenligin jolǵa qoyǵan. Ol ushın óz isine ıqlas hám inta kerek. 
Mısalı, "Mira apa" asxanasınıń tiykarın salıwshı Mira Shegay, "Tuńǵısh qonıs" puqarası Orazgúl Asanova biznesti "pirojki" satıwdan baslap usı jıllar  ishinde 5 jaydıń iyesi boldı. (https://youtu.be/NNfEV-wNvmw?si=DYgCRno4iFZLeMmK)

"Shadlı awıl"shı Jumabiyke Kushekeeva búginde 70 jastan assa da ıssıxanada dáramat tawıp, elge belgili "nálshi" apa boldı. (https://youtu.be/K0wHUl6-57g?si=OSayfLS1-ZJMKXiZ)
Kewilde jumısqa qızıwshılıq bolsa bárin jolǵa qoyıwǵa boladı. 
Ayırım puqaralarımızdıń pikirlerine qulaq túrsek
"Jumıs islew jaqpay tur", "Jumıs islewge , kitap oqıwǵa motivaciya jetpey júr"-degen pikirlerdi esitip atırmız. 
Demek bunnan qanday toqtamǵa keliw múmkin. Bul toqshılıqtıń belgisi.!
Ash adamǵa motivaciyanıń keregi joq. Onıń bir ǵana motivaciyası bar, kámbaǵallıqtan shıǵıw degen. 
Berilgen subsidiyanı únemli, ónimli paydalanbay internet tarmaǵındaǵı sawda-satıq platformasına qoyıp, onıń pulın maqsetsiz jumsap jibergenlerde aramızdan tabıladı.

Jáne gózzallıq haqqında aytqımız kelip tur. 
Hár bir insan ómirin ózgertiwi ushın birinshi náwbette háreket etip, turmısına baxtiyarlıqtı óz ǵana alıp kire aladı. 
Bunda kómekshi wazıypasın bolsa mámleket tolıǵı menen ámelge asırmaqta (https://t.me/QResMinistrlerKenesi/42808?single).  
Biraq, 10 jıldan berli tınbaytuǵın bul qanday múrájat boldı? Jetispewshilikten basqasın aytpaytuǵın adamlardıń ózleri de háreket etiwi kerek emes pe? 
Mámleketimiz xalıqtıń abat turmısta jasawı ushın álle qashan adım attı. Biraq, subsidiyalardan, jeńilletilgen kreditlerden paydanbay atırǵandaymız. 
Kúni keshe  qalamızdaǵı Xojeli gúzarı kóshe boyına gúller kompoziciya shólkemlestirilmekte.
Yaǵnıy shıraylılıq qoldan jaratılmaqta. 
Nókis aldıńǵı jıllarǵa salıstırǵanda gózzal kóriniske iye bolıp kiyatır.  
Sizde óz ómirińizdiń dóretiwshisiz.
Búgin baslanǵan az ǵana kúnlelikli háreket keleshekte úlken ózgerislerdi ashıp beriwine isenemiz.
https://t.me/kknews_uz/85779 usı materialdı ashıp oqısańız, sabırlılıq penen tábiyattıń gózzalıǵın súwretke alǵan fotooperatorlardıń jumısına baha beriń. 
Olar qansha waqıtan berli tábiyattıń mójisasın kútti. 
Nátiyjede tábiyattıń sulıwlıǵın inam etti. 
Baxıt ta, baylıq ta bir kúnde kelip qalmaydı. Oǵan insan hadal miyneti, ózindegi dóretiwshilik intası menen jetisedi.

Elmira Sagalatdinova