Qaraqalpaqstan Respublikası Nókis qalası hákimligi

Doslıq,baxıt,erk quyashı,
Turar máńgi nurın shashıp,
Ishi kúygen dúz jalasın!
Ómirimiz bir baǵı-bostan,
Saw bol,anam Ózbekstan!
                    Ibrayım Yusupov
 
 

Úlgili shańaraqlar xoshametlendi

Nókis qalası hákimliginde «Xalıqaralıq shańaraq kúni» ne baǵıshlanǵan ilaj  bolıp ótti.
Ilajda qala hákiminiń orınbasarları bolǵan  M.Kannazarov, J.Otejanov, "Shańaraq hám  hayal-qızlar bólimi baslıǵı Zulfiya Dáwletnazarovalar jıynalǵanlardı bayram menen qutlıqladı.
 
  Dúnya mámleketlerinde hár jılı 15-may kúni xalıqaralıq shańaraq kúni keń túrde belgilenedi.
    1993-jıl 20-sentyabr kúni Birlesken milletler shólkemi Bas Assambleyası tárepinen 1994-jıldan baslap 15-may xalıqaralıq shańaraq kúni dep belgilew haqqındaǵı rezolyuciyası qabıl etildi.      
Shańaraq. Hár birimiz ushın muqaddes esaplanǵan watan ishindegi kishi watan. Sebebi biz shańaraqta eń dáslepki túsiniklerdi qáliplestiremiz, bilim hám tárbiyanı alamız, shańaraq aǵzalarımızǵa, átirapımızdaǵılarǵa degen múnásibetti qáliplestiremiz.
Xalqımızda “Bekkem shańaraq – jámiyet tayanıshı”, “Salamat shańaraq – salamat jámiyet” degen tereń mánili sѳzler biykarǵa aytılmaǵan. Sonlıqtan-da, sońǵı jılları elimizde Prezidentimizdiń basshılıǵında shańaraqtıń jámiyetlik turmısta tutqan ornın bunnan bılay da  arttırıw, onı sociallıq, ekonomikalıq hám ruwxıy jaqtan qollap-quwatlaw,  ѳsip kiyatırǵan jas áwladtıń qálbinde ana Watanǵa sadıqlıq, shańaraqqa degen mehir-muhabbat sezimlerin qáliplestiriw, shańaraqlarda óz-ara awızbirshilik, tınıshlıq, tatıwlıq hám miyrim-shápáát ortalıǵın jáne-de kúsheytiw máselelerine ayrıqsha itibar qaratılmaqta.
Ásirese, ѳtken qısqa waqıt ishinde bul baǵdarda bir qatar párman hám qararlardıń qabıl etilgeni, jas shańaraqlardı materiallıq jaqtan qollap-quwatlaw, máhállelerde úyme-úy júrip, shańaraqlardıń jaǵdayın úyrenip shıǵıw, olardı oylandırıp júrgen máselelerine tez sheshim tabıw boyınsha sistemalı jumıslar alıp barılmaqta. Házirgi kúnde shańaraqlıq isbilermenlikti rawajlandırıw, shańaraqlardıń turmıs sharayatın jáne de jaqsılaw, kámbaǵallıqtı qısqartıwǵa úlken itibar qaratılmaqta.
  “Ibratlı shańaraq” kѳkirek belgisi, sonday-aq, “Úlgili shańaraq” tańlawınıń shѳlkemlestirilgeni sѳzimizge ayqın mısal boladı.
 
Ilaj sońında bir qatar shańaraq iyelerine “Ibratlı shańaraq” kѳkirek belgisi tapsırıldı.

Nókis qalası «Qutlı qonıs» máhállesinen Asamatdinovlar shańaraǵı-I.Asamatdinov, A.Ermekbaeva;.
«Sárbinaz máhállesinen Uteshovlar shańaraǵı-A.Uteshov, T. Juginisova;
«Bereket» máhállesinen Aybergenovlar shańaraǵı- R.Aybergenov, D.Tóremuratova;
«Gulzar» máhállesinen Qurbanbaevlar shańaraǵı- Ó.Kurbanbaev, K.Jaqaeva;
«Shıǵıs» máhállesinen Abdieevlar shańaraǵı- A.Abdieev, Z.Abdikadirova;
«Baǵshılıq» máhállesinen Allaniyazovlar shańaraǵı- A.Allaniyazov, M. Qudaybergenova;
«Juwazshı» máhállesinen Seytnazarovlar shańaraǵı- B.Seytnazarov, D.Palvanova;
«Qum awıl» máhállesinen Utemuratovlar shańaraǵı-M.Utemuratov, J.Arzieva;
«Nawqan baǵ» máhállesi  Tlewovler shańaraǵı - N.Tlewov, R.Xojamuratova;
«Jolshılar» máhállesi  Qıdırbaevlar shańaraǵı- O.Qıdırbaev, G.Seyilbekova;