Rásmiy múnásibet
2026-04-25 17:00:00 / Rásmiy múnásibet
Rásmiy múnásibet
Aytıw orınlı, Nókis qalası hákimligi hám taraw qánigeleri tárepinen qaladaǵı hár bir ishki jollardıń jaǵdayı turaqlı túrde xatlawdan ótkerilip barılmaqta. Sociallıq tarmaqta múrájatta "Taslaq" MPJ aymaǵındaǵı Bozataw kóshesiniń jaǵdayı boyınsha isshi topar tárepinen ayrıqsha úyrenildi.
Bul kósheni asfaltlaw hám zárúr infrastrukturanı jaratıw maqsetinde, usı aymaqta jasaytuǵın xalıq hám máhálle belsendileri menen kelisilgen halda, joybardı "Baslamalı byudjet" (Open Budjet) procesine kirgiziwdi usınıs etemiz. Kósheni asfaltlaw ushın zárúr bolǵan qarjını qáliplestiriwde aymaq turǵınların dawıs beriw procesinde belsene qatnasıwǵa shaqıramız. Bul óz gezeginde, máhálleniń ishki jolların jámietshiliktiń qadaǵalawı astında sapalı ońlaw imkaniyatın beredi.
Júzege kelgen qolaysızlıqlar ushın keshirim soraǵan halda, qalamız abadanlıǵına biypárwa bolmaǵan puqaralarǵa óz minnetdarshılıǵımızdı bildiremiz