Qaraqalpaqstan Respublikası Nókis qalası hákimligi

Búgingi Nókis qalası hákimi A.Daniyarovtıń qatnasıwında ótip atırǵan puqaralar qabıllawı tek ǵana rásmiylestiriw emes, al "Insan qádiri" degen ullı principtiń ámeldegi kórinisine aylanbaqta.
Búgingi qabıllaw procesinde qala hákimi hár bir puqaranıń tek ǵana arzasın emes, al onıń ishki keshirmelerin, qıynap atırǵan mashqalanıń túp dáregin tıńlamaqta.
Kimdur infrastruktura, kimdur sociallıq járdem, jáne kimdur isbilermenlik jolındaǵı tosqınlıqlar haqqında sóz etpekte. A.Daniyarovtıń puqaralar menen tikkeley sóylesiwi sonı kórsetedi, aralıq qanshelli qısqarsa, sociallıq ádillik sonshelli bekkemlenedi.
"Insan qádiri" degen túsinik qashan haqıyqatqa aylanadı? Qashan qabıllawxana esikleri jabıq emes, al ashıq bolsa, qashan mashqala qaǵazda qalıp qoymastan, sol jerde úyrenilip, unamlı sheshilse.

Qabıllawda baqlanıp atırǵan qızǵın sóylesiwler sonı kórsetpekte, Nókiste puqaralardıń múrájatları menen islesiw sisteması jańa basqıshqa shıqpaqta. Qarım-qatnas, hár qanday mashqalanıń baslanıwı hám sheshimniń gilti.