Qaraqalpaqstan Respublikası Nókis qalası hákimligi

Nókis máhállelerinde Nawrız bayramı keń túrde belgilenbekte

Onda xalqımız búgingi paraxat turmısımızǵa shúkirshiligin, razılıǵın bildirmekte.
Nókis qalası turǵınları usı jılı Nawrız bayramın kóterińki keypiyat penen ótkerip atır.
Bárshe milletler jámlesip, milliy qádiriyatların, miyrasların quwanıshlı, baxtiyar júz benen kórsetiwge bel baylaǵanday hámme-hámme belsendi bolıp ketkendey. Ásirese, nuranıy ata-ájeler, jaslar menen birgelikte qosıqlar aytıp , oyınǵa túsip baratır.
Bul degeni mámleketimizden kewiller toq degeni.
Usı jıldıń 25- mart kúni "Amanlıq gúzarı" máhállesin de usınday bayram ilajları bolıp ótti.
Bayram saltanatına qala hákimi A.Daniyarov qatnasıp, awıl xalqın bayram menen shın kewilden qutlaqladı.  Aymaq turǵınları tárepinen shólkemlestirilgen milliy kórgizbelerdi tamashalap, olar menen jaqınnan sáwbetlesti.