Qaraqalpaqstan Respublikası Nókis qalası hákimligi

Firma atında qaysı belgiler kórsetilmewi kerek?

Ózbekstan Respublikasıniń “Firma atların beriw hám olardan paydalanıw tártibin jáne de jetilistiriwdiń qosımsha ilajları tuwrısında” ǵı  51-sanli Nizamina tiykar firma atında kórsetilmewi kerek bolǵan belgiler kórsetilgen.

Firma atında:

 1) Mámlekettiń rásmiy atı, xalıq aralıq, húkimetler aralıq yamasa mámleketlik emes kommerciyalıq bolmaǵan shólkeminiń qısqartılǵan yamasa tolıq atı;

 2) tariyxıy yamasa Ózbekstan Respublikasında ataqlı bolǵan shaxstıń tolıq yamasa qısqartılǵan atı, belgilengen tártipte beriletuǵın ruxsatnamasız;

 3) firma atınıń iyesi, onıń iskerlik túri yamasa ol kelip shıqqan mámleket haqqındaǵı jalǵan yamasa qarıydardı jańılıstırıwı múmkin bolǵan belgiler;

 4) jámiyet máplerine, adamgershilik hám etika principlerine qarsı bolǵan belgiler kórsetilmewi kerekligi belgilengen.

A.Bazarbaev
Nókis qalası ádillik bólimi

Mámleketlik xızmetler orayı

aga qánigesi.