Qaraqalpaqstan Respublikası Nókis qalası hákimligi

"Prezidentimizdiń qolları menen Nókiske 38 orden" 

(Qulaq penen esitken basqa, kóz benen kórgen basqa)

Mámleketlik ordenlerdi alǵan adamlar aramızda bar. Olar múmkin bizdi oqıp atırǵan da bolar. Ordenniń iyesi bolıw ańsat emes. Ol jıllar dawamındaǵı miynet, pidayılıq hám juwapkershilikti jámleydi. 

Mámleket tárepinen orden  berilse sol máwritegi quwanısh sonsha jıllıq miynetlerdiń sharshawın, qıyınshılıǵın umıttırıp jiberedi.  Kostyum shetinde jıltırap, qaraǵan kózdiń háwesin keltiredi. Awa, medal degen xalıq jıynalǵan jerde aybat, húrmet, maqtanısh. 
Prezidentimizdiń tapsırması menen qabıl etilgen Ministrler Kabinetiniń 2023-jıl 2-fevraldaǵı 52-sanlı qararı tiykarında  qalamızdaǵı 38 shańarqqa, 38 jańadan turaq jay salınıp berilgeni Prezidentimizdiń qolları menen Nókiske 38 orden taǵılǵanday quwanıshtamız.

Bul xojalıqlar neshe jıllar dawamında awır mashaqatlı turmıs penen jasap kiyatırǵan edi. 
Bir qarar bir neshe shańaraqlardıń baxtiyar hám abat turmısqa aylanıwına, gúlleniwine sebepshi boldı. Orden taqqan máwritlerdegi shadlıq keshegi qıyın kúnlerdi umıttırıp jiberdi. Qalamızǵa taǵılǵan ordendey, bul úyler sulıw sawlatlanıp kópshilikke maqtanısh bolǵanın qáyterseń. 

Usınday jańalıqlardı keń jámiyetshilikke sáwlelenliriwde jergilikli ǴXQ wákilleri bolǵan jurnalistlerge "Mámleket tárepinen járdem berilgen xojalıqlardıń abadan turmısına názer" atamasında media-tur shólkemlestirildi. 
Media-turda, "Turan" mákan puqaralar jıyını turǵını T.Abdijamilova, "Qızıl qum" mákan puqaralar jıyını turǵını K. Mırzagalieva, "Isbilermen aymaǵı" mákan puqaralar jıyınınıń "Oy awıl" turǵını A.  Berdimbetovanıń shańaraqlarında miymanda boldı. 
"Insan qádiri ushın" baslaması xalıqtıń dártine dárman, awırın jeńilletkeni haqıyqat. 
Búgingi media turda mámleketimizdiń insanlar turmısın ózgertiwge qaratqan processlerdi óz ishine aldı.