JANALIQLAR
2026-01-13 17:00:00 / Jańalıqlar
Jipekti túte almaǵan jún qıladı
Sol aytqanday, eger mákeme basshılarınıń jıl basınan rejedegi "jol kartası" adamlar mápine, jámiettiń rawajlanıwına úlesin qospasa, onda kreativlik bolmasa, "ádettegi" rejeler qaǵazda shıraylı kórinse de, ámelde mazmunsız boladı. Haqıyqıy reforma - adam ómirinde ózgeris islewi menen ólshenedi, esabatlar sanı menen emes!
Úsh kúnnen berli hár kúni qala hákimi A.Daniyarov qalamızdaǵı mákeme-shólkemlerdiń "jol kartası"ndaǵı rejeler menen tanıspaqta.
Ayrım basshılarǵa qosımsha pikir-usınıslar berip, rejeni qayta islewge shaqırıp atır.
Máselen, respublikalıq "jol kartası"na tiykarlanıp rejeler islegen basshılarǵa, xosh, kórsetkishti jánede tolıq orınlawdan tısqarı, qanday maqsetlerdi ilgeri súreseń degen sorawlar astında talqılawlar bolmaqta.
Biz aytqan bolar edik. Joqarı oqıw orınlarında, PHD dicertaciyalıqtı jaqlaw menen rejeni jaqlap shıǵıw ortasında hesh qanday parıq joq.
Qandaydur ilimiy jumıs temasın qorǵawda ilim kerek, fakt kerek. Solay emes pe?
YAǵnıy máhálleni kórdiń, bildiń? Mashqalanı saplastırıp xalqımızǵa máp keltiriwde qaysı qarar jáne qarjı menen elede abadanlıq esigin keń ashamız degen sorawlar sheńberinde qızǵın dodalawlar bolmaqta.
Burınları kempir apalarımız taptırmaytuǵın shashaqlı oramaldı taqqanında onnan bay hayal bolmaǵan.
Búgin dáwir samalı , Prezidentimizdiń gózzal siyasatı menen elimiz, xalqımız toqshılıqta jasamaqta. Dúkanlardan qálegenińdi taba alatuǵın , paraxatshılıq turmıstamız.
Degen menen búgin háreket zamanı.
Joqarıda shashaqlı oramal haqqında pikirdi sóz bolsınǵa qosıp jazǵanımız joq. Xalqımız búgin baxıtlı, bay turmısta shadlı jasaw ushın, analardıń shashaqlı oramlı jelbirep kewillerinde qátirjamlıq, keleshekke isenim artıwında reje nıq, bir qádem aldıǵa júretuǵın maqset bolmaǵı lazım. Ol ushın bizge oyaw júrek kerek!