Qaraqalpaqstan Respublikası Nókis qalası hákimligi

Ózbekstan Respublikası Prezidentiniń 2021-jıl 26-marttaǵı «Ruwxıylıq-aǵartıwshılıq jumıslar sistemasın túpten jetilistiriw is-ilajları haqqında»ǵı PQ-5040-sanlı qararınıń sózsiz orınlanıwın támiyinlew, kórsetilgen mashqalalardı saplastırıw ilajları,  olardıń orınlanıwı,  mámleketimizde ámelge asırılıp atırǵan siyasiy,  sociallıq-ekonomikalıq,  ruwxıy-aǵartıwshılıq reformalardıń,  qabıl etilip atırǵan nızam hújjetleriniń mazmun-mánisin, áhmiyetin keń jámiyetshilikke nátiyjeli jetkeriw,  xalıqtıń arasında belsendi puqaralıq poziciyanı qáliplestiriw,  shańaraq,  máhálle,  oqıw orınları hám miynet jámáátlerinde sociallıq-ruwxıy ortalıqtı úyreniw hám salamatlastırıwǵa qaratılǵan ilajlarda qatnasıw,  tınıshlıq hám tatıwlıqqa,  mámleketimizdiń turaqlı rawajlanıwına,  milliy qádiriyat,  úrp-ádetler hámde insanıylıq ideyalarǵa qáwip salatuǵın túrli ishki hám sırtqı qáwiplerge qarsı úgit-násiyat jumıslarınıń sistemalı hám izbe-iz ámelge asırılıwı  hám usı mashqalalardı saplastırıw boyınsha paytaxtımızdaǵı barlıq joqarı,  professional tálim hám ulıwma bilim beriw mekteplerinde jaslar arasında huqıqbuzarlıqtıń hám jınayatshılıqtıń aldın alıw,  olardı bir maqsetke birlestiriw,  kitap oqıwǵa bolǵan qızıǵıwshılıǵın asırıw,  ekstremizm hám terrorizmge qarsı gúresiw,  sonday-aq, basqa da unamsız illetlerdiń aldın alıw boyınsha is-reje islep shıǵıp, úgit-násiyat jumısları alıp barılıwı boyınsha keń túrde sóz etildi. 

 Nókis qalası hákiminiń orınbasarı, Ruwxıylıq hám aǵartıwshılıq Keńesi baslıǵınıń orınbasarı J.Ótejanov sózge shıǵıp, elimizde ámelge asırılıp atırǵın reformalardıń mazmunı hám áhmiyetin xalqımızǵa jetkeriw, úgit-násiyatlaw hár qıylı ruwxıy-aǵartıwshılıq ilajlardı shólkemlestiriw baǵdarında jıl dawamında keń kólemli jumıslar ámelge asırılıp, bir neshe tańlawlar, ushırasıwlar, ortalıq sáwbetler, ruwxıy-aǵartıwshılıq ilajlar alıp barılǵanlıǵı haqqında atap ótti. Degen menen, jaslarımızdıń milliy qádriyatlarımızǵa jat bolǵan qáwiplerdiń tásirine túsip qalıp atırǵanın esapqa alıp, ata-babalarımızǵa múnásip áwladtı tárbiyalaw ushın bul baǵdarındaǵı ruwxıy-aǵartıwshılıq ilajlardı bunnan bılay da sistemalı túrde jedellestiriwge mútájlik sezilmekte.

 Mektepke shekemgi hám mektep bilimlendiriw shólkemine qaraslı barlıq bilimlendiriw mákemeleri Respublika Ruwxıylıq orayı Nókis qalalıq bólimi menen kelisilgen halda ruwxıy-aǵartıwshılıq jumıslarınıń nátiyjeliligin asırıw boyınsha 2025-jılda ámelge asırıw boyınsha is ilajları qabıl etilgenligi,  usı reje tiykarında hár bir belgili sánelerge ruwxıylıq ilajları shólkemlestirilip atırǵanlıǵı,  sonı menen bir qatar hár hápteniń juma kúninde ruwxıylıq saatları,  balalar arasında watınımızdıń belgili tulǵallarınıń tuwılǵan kúnleri,  mektepke shekemgi jastaǵı balalarǵa qaraqalpaq folklorı,  dástanlar,  ertekler,  jańıltpashlar,  jumbaqlar boyınsha oqıw baǵdarlamalar,  sabaq islenbeler tayarlanǵanlıǵı haqqında  sóz etildi.  .

Bunnan soń,  ayırım bilimlendiriw sholkemlerinde xana jetispewshiligi sebepli «Ruwxıylıq xana»ları shólkemlestirilmegenligi hám ruwxıylıq xana ushın bir bólmeniń ajıratılıwı, zárúr inventarlar menen támiyinlew kerek ekenligi haqqında aytıp ótti.

Sonday-aq, Respublika Ruwxıylıq hám aǵartıwshılıq orayı Nókis qalalıq bólimi baslıǵı Q.Nuratdinov  shıǵıp sóylep,  óz sózinde ótken 12ay dawamında bólim tárepinen islengen jumıslar haqqında, bólimniń is-rejesi,  Keńes quramı hám «Aǵartıwshılıq» úgit-násiyatshılar toparı quramları dúzilgenligi,  Nókis qalasında jaylasqan barlıq oqıw orınları,  kárxana,  mákeme hám shólkemler menen birge islesiw boyınsha jıllıq is-rejeler tastıyıqlanǵanlıǵın,  hár sherekte Keńes májilisi ótip turǵanlıǵın,  belgilengen bayram sánelerinde orınlarda ilajlar ótip turǵanlıǵı,  sonday-aq qala aymaǵındaǵı puqaralar,  jaslar arasında mámleketimizde ámelge asırılıp atırǵan ruwxıylıq hám aǵartıwshılıq tarawında alıp barılıp atırǵan reformalardıń mazmun-mánisi  hám áhmiyeti boyınsha aymaqlarda keń túrde úgit-násiyat ilajları alıp barılıp atırǵanlıǵı,  úgit-násiyat ilajlarına qatnasatuǵın jazıwshı-shayırlar,  alımlar,  mádeniyat ǵayratkerleri,  belsendi jaslardan ibarat úgit-násiyatshılar toparları aymaqlar kesiminde qáliplestirilgenligi,  bilimlendiriw mákemeleri hám kárxana,  shólkemlerdegi “Ruwxıylıq xana” ların talap dárejesinde támiyinlew kerekligi haqqında aytıp ótti.

Sonıń menen birge, májilis dawamında pútkil dúnyada ideologiyalıq gúresler dawam etip, kiber hám ruwxıy qáwip-qáterler barǵan sayın kúsheyip atırǵan házirgi dáwirde mektepke shekemgi hám mektep jasındaǵı jas óspirim balalar arasında úzliksiz tálim-tárbiya jumısların alıp barıwda xalqımız, ásirese, jaslar arasında, milletleraralıq tatıwlıq, awızbirshilikti bekkemlew, ásirler dawamında qáliplesken qádiriyatlarǵa ámel etip jasawǵa úyretiw, jámiyettegi unamsız illetlerge, qáwip-qáterlerge qarsı gúresiw immunitetin qáliplestiriw jáne de “Jawızlıqqa qarsı aǵartıwshılıq” principi tiykarında olardı biz gózlegen iygilikli maqsetlerge baǵdarlap barıw zárúrligi haqqında sóz etildi.

Májilis kún tártibindegi máseleler boyınsha Ruwxıylıq hám aǵartıwshılıq Keńesiniń aǵzaları, tiyisli ministrlik, mákeme hám shólkemlerdiń basshıları tárepinen pikir hám usınıslardan kelip shıǵıp, Nókis qalalsı Ruwxıylıq hám aǵartıwshılıq Keńesi tárepinen 2025-jıl dawamında ámelge asırılǵan jumısları haqqındaǵı  Respublikalıq Rúwxıylıq hám aǵartıwshılıq orayı Nókis qalalıq bólimi baslıǵı Q.Nuratdinovtıń málimlemesi maǵlıwmat ushın qabıl etildi. 

Xalıq arasında jedel puqaralıq poziciyasın qáliplestiriw, jámiyette milliy ulıwma insanıylıq qádiriyatlarǵa tiykarlanǵan demokratiyalıq principlerin júzege shıǵarıw;

Mámleketimizde ámelge asırılıp atırǵan siyasıy, ekonomikalıq, sociallıq, ruwxıy-aǵartıwshılıq reformalar, qabıl etilip atırǵan nızam hújjetlerdiń mazmun-mánisin keń jámiyetshilikke nátiyjeli jetkeriw;

Shańaraq, máhálle, bilimlendiriw mákemeleri hám miynet jámátlerinde sociallıq ruwxıy ortalıqtı úyreniw;

“Jawızlıqqa qarsı aǵartıwshılıq” ideyası tiykarında jámiyette úzliksiz ruwxıy-aǵartıwshılıq tárbiya hám úgit-násiyat jumısların shólkemlestiriwdiń strategiyalıq jónelislerin, tásirli kreativ hám innovacion principlerin islep shıǵıw;  

Qádiriyat hám úrp-ádetlerge hámde insanıylıq ideyalarǵa qáwip salıwshı hár qıylı ishki hám sırtqı topılıslarǵa qarsı nátiyjeli úgit-násiyat jumısların alıp barıw;

Xalıqtıń sociallıq ruwxıy ómirinde jańalanıw ideyaların kúsheytiw, diniy bawırıkeńlik hám milletleraralıq tatıwlıq ortalıǵın jánede bekkemlew. Ruwxıy-aǵartıwshılıq jumıslardıń tásirsheńligin arttırıw maqsetinde hár yarım jılda bir mártebe keńes baslıǵınıń basshılıǵında keńes májilislerin ótkerip barылыўы бойынша тапсырмалар берилди.

Aymaqtıń sociallıq-ruwxıy ortalıq jaǵdayın sın kózqarastan talıqlaw,  mákeme hám shólkemlerdiń tarawǵa baylanıslı jumısların muwapıqlastırıw, nátiyjeligin asırıw;

"Ekspertler Keńesi" hám monitoring toparı aǵazları tárepinen tarawdı rawajlandırıw boyınsha bildirgen pikir hám usınısları tiykarında kárxana, shólkem hám bilimlendiriw mákemeleriniń tarawdaǵı jetiskenlikleri menen kemshiliklerin analiz etiw, bul boyınsha tiyisli juwapkerlerge wazıypalar júklew;

Elimizde milletlerara tatıwlıq hám óz-ara miyrim-shápáát ortalıǵın jáne de bekkemlew, túrli millet hám xalıq wákilleriniń tili, mádeniyatı, úrp-ádet dástúrlerin saqlaw, rawajlandırıwǵa baylanıslı hár qıylı úgit-násiyatlaw ilajların shólkemlestiriw hám “Siyasiy-aǵartıwshılıq saatı”nıń turaqlı ótkerilip barılıwın qadaǵalaw. Respublikalıq Ruwxıylıq hám aǵartıwshılıq orayı Nókis qalalıq bólimi baslıǵı (Q.Nuratdinov) “Ekspertler keńesi” birgelikte hár sherekte bir márte mákeme hám shólkemlerde sociallıq-ruwxıy ortalıqtıń jaǵdayın monitoring etip barıw maqsetinde reje-grafik islep shıqsın hámde ámelge asırılǵan jumıslardı sın kóz-qarastan úyrenip, Ruwxıylıq hám aǵartıwshılıq Keńesine ulıwmalasqan maǵlıwmatlardı kirgizip barылыўы тапсырмасы берилди.

Bunda, monitoring topar aǵzalarına mákeme shólkemlerdi úyrenip barıwı ushın arnawlı sorawnama islep shıǵıw hám tastıyıqlaw, mámleketlik baǵdarlamanı úgit-násiyatlawǵa baylanıslı usınıs, kórsetpeler beriw, kórgizbe materiallarınıń ildiriliwin, xızmetkerlerdiń teatr, muzeylerge barıwın, tarawǵa baylanıslı jumıslarǵa juwapkerler bekitilgenligin, bilimin jetilistiriw kurslarında tálim alǵanlıǵın, telekanallar hám sociallıq tarmaqlarda ámelge asırılıp atırǵan úgit-násiyat ilajların anıq dáliyller menen kórsetiw zárúr.

- 2026-jıl basında Nókis qalası Ruwxıylıq hám aǵartıwshılıq Keńesi tárepinen tastıyıqlanǵan “Jol karta” tiykarında  barlıq mákeme hám shólkemler, Ruwxıylıq hám aǵartıwshılıq orayı qalalıq bólimi menen eki tárepleme “Jol karta”sın tastıyıqlasın, orınlanıwın basshılıqqa alsın hámde “Ruwxıy-aǵartıwshılıq saat”larınıń turaqlı ótkerip barılıwın qadaǵalawǵa alsın;

- mákeme hám shólkemlerdegi sociallıq ruwxıy ortalıqtı úyreniw boyınsha monitoring topar aǵzalarına tiyisli shárayatlar jaratılsın, bul baǵdarda ushırasqan mashqala hám jol qoyılǵan kemshiliklerdi qısqa múddetlerde saplastırıw ilajların kórsin. Jaslar isleri agentliginiń Nókis qalalıq bólimi (S.Asılbekov) menen birgelikte isbilermenlik penen shuǵıllanıwshı jaslar, kitapqumar jaslar, sportshı jaslar, IT-tarawı jasları hámde qábiletli, bilimli stipeniya iyeleri menen aymaqlardaǵı jámlespegen jaslar arasında “Teńlesim sırlasım” atamasında túrli motivacion ushırasıwlar, sáwbetler shólkemlestiriw; On kún múddette Máhálle awqamınıń Nókis qalalıq bólimi (E.Allanov) jaslardı Watanǵa sadıqlıq, milliy hám ulıwma insanıylıq qádiriyatlarǵa húrmet ruwxında tárbiyalaw, xalqımızdı aǵartıwshılıq arqalı kámbaǵallıqtan shıǵarıw maqsetinde sarı hám qızıl kategoriyadaǵı máhállelerge “Mánawiy kómekshi” sıpatında biriktirilgen úgit-násiyashılar quramına qosımsha túrde xalıq arasınan shıqqan abıraylı nuranıylar, zıyalılar, kóshe biyleri hám imam-xatiblerdi birlestirsin jáne qalalıq úgit-násiyatshı isshi toparlardıń aǵzalarına ushırasıwlar, sáwbetlesiwler ótkeriw dawamında ámeliy járdem berip barıwın jolǵa qoyılsın Ruwxıy-aǵartıwshılıq bólimine usınıs etsin;

 Xalıqtıń mazmunlı dem alıwı, miyrim-shápáát, shúkirshilik, awızbirshilik sıyaqlı milliy ulıwma insanıylıq qádiriyatlardı jáne de bekkemlew maqsetinde ilajlar ótkeriletuǵın orınlarda saxna bezew, banner menen támiyinlew, úgit-násiyatlaw quralların ornatıw;

 Ózbekstan Respublikası Prezidentiniń 2025-jıl 1-dekabrdegi "Ózbekstan Respublikası Qurallı Kúshleriniń shólkemlestirilgenine 34 jıl hám Watan qorǵawshıları kúnine tayarlıq kóriw hám onı ótkeriw haqqında"ǵı PQ-70-sanlı Pármanınıń orınlanıwın támiyinlew maqsetinde Qorǵanıw isleri bólimi menen birgelikte ruwxıy-aǵartıwshılıq ilajlar ótkeriletuǵın orınlarda Watansúyiwshilik ruwxında tárbiyalap barıw, jaslarǵa milliy armiyamızdıń búgingi kúsh-qúdiretin úgit-násiyatlaw maqsetinde “Milliy armiyamız – tayanıshımız” súreni astında qural-jaraq hám áskeriy texnikalar kórgizbesin shólkemlestiriw;

Ruwxıy-aǵartıwshılıq bólimi baslıǵı (Q.Nuratdinov) mákeme hám shólkem, máhállelerge biriktirilgen úgit-násiyatshılar, joqarǵı oqıw orınlarındaǵı “Jas ziyalılar keńesi quramı”nan Mánawiyat hám márifat Keńesiniń jıl dawamında ótkeriliwi rejelestirilgen ruwxıy-aǵartıwshılıq ilajlarına, jaslar tárbiyasındaǵı tiykarǵı máselelerge, ortalıq ushırasıwlar menen kitapqumarlıq keshelerine tárbiyalıq mazmundaǵı qısqa mazmundaǵı videoroliklerdi islep shıǵıwda turaqlı qamtıp barıw ilajın kóriw tapsırmaları berildi.