JANALIQLAR
2025-12-29 15:00:00 / Пресс-релизлер
Xalıq deputatları Nókis qalalıq Keńesiniń gezektegi on tórtinshi sessiyası bolıp ótti
Búgin, Xalıq deputatları Nókis qalalıq Keńesiniń gezektegi on tórtinshi sessiyası qala hákimliginiń májilisler zalında ashıldı.
Nókis qalası hákiminiń orınbasarları, qalalıq mákeme basshıları, siyasiy partiyalar, mákan puqaralar jıyını baslıqları hám usı Keńes janındaǵı «Jaslar másláhát toparı» aǵzaları qatnastı.
Sessiyanıń kún tártibinde III másele qarap shıǵıldı.
I- másele boyınsha Nókis qalasın 2025-jıl sociallıq-ekonomikalıq rawajlandırıw baǵdarında ámelge asırılǵan wazıypalar hám 2026-jıl ushın belgilengen rejeler haqqında qala hákimi Daniyarov Abatbay Saparbaevichtiń bayanatı tıńlandı.
II-másele Nókis qalasınıń 2026-jılǵı jergilikli byudjetin tastıyıqlaw haqqında qalalıq ekonomika hám qarjı bólimi baslıǵı Q.Yusupov sózge shıqtı.
III- Shólkemlestiriw máselesi qarap shıǵıldı.
Jańa redakciyadaǵı Ózbekstan Respublikası Konstituciyasınıń 120-statyasında Xalıq deputatları Keńesine onıń deputatları arasınan saylanǵan baslıq basshılıq etiwi hám wálayat, rayon, qala hákimi bir waqıttıń ózinde Keńeske basshılıq etiwi múmkin emesligi belgilep qoyılǵan.
Konstituciyanıń ótiw qaǵıydalarına tiykarlanıp
2024-jılı birinshi márte xalıq deputatları wálayatlar hám Tashkent qalalıq Keńesleriniń birinshi shólkemlestiriw sessiyalarında deputatlar arasınan Keńes baslıqları saylap alındı.
Bul ámeliyat 2026-jıldıń 1-yanvarınan barlıq rayon, qala Keńeslerge engiziliwi belgilengen.
Búgin xalıq deputatları Nókis qalalıq Keńesi baslıǵınıń saylawın "Jergilikli mámleketlik hákimiyat haqqında"ǵı Ózbekstan Respublikası Nızamınıń 163-statyasında belgilengen tártipte ótkerildi. Nızamshılıqqa bola xalıq deputatları Nókis qalalıq Keńesi baslıǵı lawazımına talabanlardı usınıs etiw ushın siyasiy partiyalar wákilleri toparı shólkemlestirildi.
Siyasiy partiyalar wákilleri toparı másláhátlesiwinen soń deputat Ayapov Amanjol Tlepovich Xalıq deputatları Nókis qalalıq Keńesiniń baslıǵı etip saylandı.