JANALIQLAR
2025-12-19 15:00:00 / NUKUS SHAHRI HOKIMLIGI
“Salamat áwlad-bekkem jámiyet tiykarı”
2025 jıl 19-dekabr kúni 1-sanlı Nókis Abu Ali Ibn Sino atındaǵı jámiyet salamatlıq texnikumında Nókis qalası hákimligi hám Respublika Ruwxıylıq hám aǵartıwshılıq orayı Nókis qalalıq bólimi baslaması menen “Salamat áwlad-bekkem jámiyet tiykarı” atamasında seminar shólkemlestirildi.
Onda MSHMBB qaraslı ulıwma bilim beriw mektepleri hám mektepge shekemgi bilimlendiriw shólkemleri, orta arnawlı oqıw orınlarınıń direktor orınbasarları, qalalıq mákeme, shólkemlerdiń taraw boyınsha tiyisli qánigeleri hám MPJ hayal-qızlar belsendileri, jaslar jetekshileri qatnastı. Seminarda Nókis qalası hákiminiń orınbasarı Z.Dáwletnazarova, Din isleri boyınsha komitettiń Qaraqalpaqstan Respublikası aymaqlıq basqarması qánigeleri H.Ibragimova, Q.Nezametov, Nókis qalası hákiminiń Mámleketlik til máseleleri boyınsha másláhátshisi B.Abdireymov, Respublika Ruwxıylıq hám aǵartıwshılıq orayı Nókis qalalıq bólimi baslıǵı Q.Nuratdinovlar shıǵıp sóyledi.
Prezidentimizdiń jaslarǵa qaratıp atırǵan itibarı - mektep tárbiya sistemasınıń bekkem tiykarı. Jas óspirimler arasında huqıqbuzarlıq hám jınayatshılıqtıń aldın alıw. "Salamat -turmıs tárizi – insannıń fizikalıq hám ruwxıy salamatlıǵınıń tiykarı" ideyasında qızlar arasında erte turmıs qurıw hám erte tuwıwshılıqtıń aldın alıw hám salamat áwladtı qáliplestiriw. Bilimlendiriw mákemelerinde Mámleketlik til haqqındaǵı Nızamnıń orınlanıwı. "Nadanlıqqa qarsı aǵartıwshılıq" ideyası tiykarında jámiyette ádep-ikramlılıq, mánawiy qádiriyatlardı joqarı kóteriw hám diniy ekstremizmniń aldın alıw. Ózbekstan Respublikası Ministrler Kabinetiniń 2025-jıl 16-sentyabrdegi “Ulıwma awqatlanıw kárxanalarında payda bolatuǵın azıq-awqat shıǵındılarınan nátiyjeli paydalanıw hám olardıń qorshaǵan ortalıqqa unamsız tásirin azaytıw hámde artıqsha ısırapgershiliklerdiń aldın alıw is-ilajları haqqında”ǵı 589-sanlı qararınıń tiyisli bántlerin hám mazmun-mánisin xalıqqa jetkeriw. Seminar dawamında qatnasıwshılar menen sáwbetlesiw hám soraw-juwaplar ótkerilip, salamat turmıs táriziniń insan ómirindegi ornı, zıyanlı ádetlerdiń awır aqıbetleri haqqında tolıq túsinikler berildi hám “Salamat áwlad-bekkem jámiyet tiykarı” súrenin kúndelikli ádetke aylandırıw máseleleri úgit-násiyatlandı. Bunnan soń jıl dawamında ruwxıylıq-aǵartıwshılıq tarawında belsendilik kórsetken xızmetkerler Respublikalıq Ruwxıylıq hám aǵartıwshılıq orayı Nókis qalalıq bólimi tárepinen húrmet jarlıǵı menen sıylıqlandı.