JANALIQLAR
2025-12-17 16:05:00 / NUKUS SHAHRI HOKIMLIGI
"Íqshamlılıq" - toylarda tártip hám ádepke jol ashadı
Saltanatlı toylar - baxıt kepili emes."
Íqshamlılıq - bul toy merekelerdiń tártip hám ádep-iramlılıq tiykarında ótkeriliwi bolıp tabıladı. Eger hár bir toy ıqshamlılıqqa tiykarlanǵan bolsa, shańaraqlarımız bekkem boladı, jámiyetimizde bolsa ádep-ikramlılıq, haq kewillik hám húrmet qádiriyatları kúsheyedi. Sonıń ushın, hár birimiz toylardı tártipli, ádepli hám ruwxıy jaqtan bay tárizde ótkeriwimizge umtılıwımız shárt. Usı tiykarda, Ózbekstan Respublikası Ministrler Kabinetiniń 2025-jıl 16-sentyabrdegi “Ulıwma awqatlanıw kárxanalarında payda bolatuǵın azıq-awqat shıǵındılarınan nátiyjeli paydalanıw hám olardıń qorshaǵan ortalıqqa unamsız tásirin azaytıw hámde artıqsha ısırapgershiliklerdiń aldın alıw is-ilajları haqqında”ǵı 589-sanlı qararınıń tiyisli bántlerin xalıqqa jetkeriw, sonday-aq, bul baǵdarda úgit-násiyat jumısların kúsheytiw baǵdarında Nókis qalası aymaǵinda jaylasqan bir qatar mákan puxaralar jıyını aymaǵında jasawshı puxaralar menen “Nuraniy” qorı qalalıq bólimi, Salmen Iyshan Jome meshiti, Respublika Ruwxıylıq hám aǵartıwshılıq orayı qalalıq bólimi, Din isleri boyınsha komiteti Qaraqalpaqstan Respublikası aymaqlıq basqarması, “Paytaxt” gazetası redaktorınıń qatnasıwında ushırasıwlar shólkemlestirildi.
Ilaj dawamında artıqsha dábdebelilikten jıraq, milliy qádiriyatlarımızǵa say hám úlgili túrde toy-merekelerdi ótkeriwdiń áhmiyeti, bul arqalı jámiyette ısırapgershilikke shek qoyıw, shańaraq turaqlılıǵın támiyinlew hám jaslardıń sanasında salamat kóz qaraslardı qáliplestiriw boyınsha pikirler bildirildi.
Ilaj qatnasıwshıları tárepinen úlgili, ıqsham, shın júrekten hám jaqsı niyetlerge tiykarlanǵan toylar - xalqımızdıń úrp-ádetlerine say, zamanagóy turmıs talaplarına únles máresimler bolıwı kerek ekenligi ayrıqsha atap ótildi.