JANALIQLAR
2025-12-09 17:00:00 / NUKUS SHAHRI HOKIMLIGI
Prezidentimizdiń 2025-jıl 8-may kúngi “Ózgeler kútimine mútáj shaxslarǵa sociallıq xızmetler kórsetiw kólemin keńeytiw ilajları haqqında” ǵı PQ-171-sanlı qararı menen Respublikamızda xalıqtıń sociallıq qorǵalıwın kúsheytiw, ózgeler kútimine mútáj shaxslardı qollap-quwatlawǵa qaratılǵan keń kólemli reformalar ámelge asırılmaqta.
📍 Atap aytqanda, Nókis qalasında “Belsendi turmısqa qádem” baǵdarlaması sheńberinde jańa sociallıq xızmetler engizildi. Baǵdarlama tiykarında aymaqta jasawshı jeke tártiptegi isbilermen tárepinen ózgeler kútimine mútáj shaxslar ushın 3 túrdegi jańa xızmetler jolǵa qoyıldı:
✅ úy sharayatında sociallıq-turmıslıq járdem kórsetiw xızmeti;
✅ kúndizgi qatnaw tiykarında qarap turıw xızmeti;
✅ medicinalıq-sociallıq reabilitaciya xızmeti;
✅ Baǵdarlama sheńberinde Nókis qalası kóleminde sociallıq xızmetlerden paydalanıwshılardıń sanı basqıshpa-basqısh artıp barmaqta.
Atap aytqanda:
💠 2025-jıl 24-iyunnan baslap ózgeler kútimine mútáj 9 shaxsqa kúndizgi qatnaw tiykarında qarap turıw xızmeti shólkemlestirildi.
💠 166 jalǵız jasawshı, kekseler hám mayıplıǵı bolǵan shaxslar ushın úy sharayatında sociallıq-turmıslıq járdem kórsetiw xızmeti jolǵa qoyıldı.
💠 1 shaxsqa úy sharayatında qarap turıw xızmeti sonday-aq 37 shaxsqa medicinalıq-sociallıq reabilitaciya xızmeti kórsetilip kelinbekte.
Ulıwma alǵanda, búgingi kúnge kelip Nókis qalası boyınsha 213 ózgeler kútimine mútáj shaxs usı baǵdarlama sheńberinde sociallıq xızmetlerden paydalanbaqta.