V Ташкент халық аралық инвеститсия форумы
2026-06-16 / Waqıyalar kalendarı
2026-jıl 16-19-iyun kúnleri Tashkent qalasında mámleketimizdiń eń iri investiciyalıq platforması hám regionnıń eń iri biznes forumlarınan biri - besinshi yubiley Tashkent xalıqaralıq investiciyalıq forumı bolıp ótedi.
TIIF-2025 xalıqaralıq investiciyalıq sóylesiw ushın joqarı dárejeni belgilep berdi:
- 8 000 nan aslam qatnasıwshı, 97 mámleketten 3 000 sırt el miymanı,
- 450 joqarı dárejedegi delegat, sonıń ishinde, 312 húkimet wákili
- 36 panel sessiya hám 150 den aslam jáhán dárejesindegi spikerler
- 100 jergilikli islep shıǵarıwshınıń qatnasıwında 12 000 kv. m maydanda sanaat kórgizbesi
- 500 den aslam B2B hám B2G ushırasıwları shólkemlestirildi.
Forum juwmaqları boyınsha 30,5 milliard AQSh dolları muǵdarındaǵı kelisimlerge qol qoyıldı.
Dástúrge bola, Ózbekstan Respublikası Prezidenti Shavkat Mirziyoev Forumnıń saltanatlı ashılıw máresimi hám Sırt el investorları keńesiniń úshinshi májilisinde qatnastı. Bul bolsa usı maydannıń strategiyalıq statusın jáne bir márte tastıyıqladı.
Forum ilajları 31 mámleketten 114 jurnalist tárepinen keńnen sáwlelendirildi. Olardıń arasında CNN, Euronews, The Guardian, ZDF, Al Jazeera sıyaqlı jetekshi xalıqaralıq ǴXQ wákilleri de bar.
TIIF-2026 jáne de keńirek kólemde ótiwi kútilmekte. Bıyılǵı Forumǵa jáne de kóbirek mámleketlerden miymanlar hám investorlardıń keliwi, ilaj baǵdarlamasınıń bayıtılıwı, ekonomika tarmaqların rawajlandırıwǵa qaratılǵan jańa trekler, zamanagóy prezentaciya hám sóylesiw formatları, sanaat kooperaciyasına jáne iri investiciyalıq joybarlarǵa ayrıqsha itibar qaratıladı.
Bıyılǵı yubiley forum xalıqaralıq kapital ushın tartımlı noqatqa hám Oraylıq Aziyanıń investiciyalar baǵdarındaǵı kún tártibin qáliplestiretuǵın platformaǵa aylanadı.
TIIF-2026 - jáne de keń imkaniyatlar, bekkemlew birge islesiw hám kóbirek investiciyalar.