"Ózbekstan-Túrkiya" biznes forumı

Bul ilaj eki eldiń isbilermen topar wákilleri arasında ashıq hám nátiyjeli sóylesiwdi jolǵa qoyıw, ámeliy tájiriybeler menen ortaqlasıw, áhmietli máseleler boyınsha pikir alısıw jáne uzaq múddetli, turaqlı birge islesiw qatnasıqların bekkemlewge xızmet etedi.

Forum sheńberinde Ózbekstan hám Túrkiyanıń ekonomikalıq hám investiciyalıq imkaniyatları kórsetilip, birge islesiw ushın áhmietli bolǵan tarmaqlar hám tiykarǵı baǵdarlar usınıs etiledi. Sonday-aq, birgeliktegi investiciyalıq hám sanaat joybarların ámelge asırıw boyınsha anıq usınıs hám baslamalar kórip shıǵıladı.

Qatnasıwshılar eki tárepleme birge islesiwdi bunnan bılay da keńeytiw perspektivaları, jeke menshik sektor hám mámleketlik uyımlar arasındaǵı birge islesiw mexanizmlerin jetilistiriw máseleleri, sonday-aq, qospa baslamalardı ámeliy jaqtan rawajlandırıw jolların úyrenip shıǵadı.

Ilajda qatnasıw ushın usı silteme arqalı dizimnen ótiw anketasın toltırıwıńızdı soraymız.