Өзбекстан ҳәм Азия раўажланыў банки 3,5 миллиард долларлық меморандумға қол қойды
2024-05-13 11:15:00 / Jańalıqlar
Онда Өзбекстан Республикасы Бас Министриниң орынбасары Жамшид Ходжаев басшылығындағы Өзбекстан делегациясы да қатнасты.
Илаж шеңберинде инвестициялар, санаат ҳәм саўда министриниң орынбасары Хуррам Тешабаев ҳәм АРБның Орайлық ҳәм Батыс Азия бойынша Бас директоры Евгений Жуков улыўма баҳасы 3,5 миллиард АҚШ долларлық
2025-2027-жылларға мөлшерленген бағдарламаны әмелге асырыў бойынша меморандумға қол қойды.
Бағдарламада ҳәр еки тәреп ушын да керекли болған ҳәм «Өзбекстан – 2030» Стратегиясында белгиленген ўазыйпаларға муўапық жойбарлар орын алған.
Өзбекстан 1995-жылы АРБға ағза болған. 1998-жылда АРБның Өзбекстандағы ўәкилханасы ашылған. Ҳәзирги күнде АРБ тәрепинен Өзбекстан суверен портфелине усыныс еткен қаржыларының улыўма саны 12 миллиард долларға жеткен. Өткен жылы АРБ 4 суверен жойбар ҳәм 2 бағдарламаға 6 кредит ҳәм 1 грант ажыратты.