Ashıq aspan astında - Aral boyında jańlap atırǵan muzıkalar!
2025-05-30 18:10:00 / Jańalıqlar
#Stihia_2025 hám #Stixiya_Gen_Music joybarı sheńberinde Moynaq jáne bir márte óziniń mádeniy oyanıw orayına aylanǵanın dálillemekte.
Moynaq rayonındaǵı tariyxıy ashıq aspan astındaǵı kemeler muzeyiniń saxnaǵa aylanıwı - bul tek ǵana kórkem óner emes, al ótmish hám keleshektiń kúshli muzıkalıq úylesimi!
Elektron muzıka, xalıq qosıqları, improvizatsiya hám milliy saz ásbapları birlesip, "Teńiz qosıǵı" atlı biybaha saxna shıǵarmasın jarattı.
Bul muzıkalıq eksperiment - Moynaq 2-sanlı balalar muzıka hám kórkem óner mektebiniń jas talant ieleri hám DJler menen birgelikte júzege keldi.
Moynaq búgin xalıqaralıq mádeniyatlar kesilispesi sıpatında da jaynap tur. Jas áwlad - óz tamırlarınan kúsh alıp, dúnya saxnalarına isenimli qádem qoymaqta.
Bul ele baslanıwı. Mádeniyat penen teńiz ruwxın oyatamız!