Moynaq rayonında Xalıq deputatları rayonlıq Keńesiniń 31-sessiyası bolıp ótti
2026-03-12 11:55:00 / Jańalıqlar
online https://www.youtube.com/live/UJPH926gx7k?si=FBVGvz3ZaaC4qP8M
Sessiyada 2026-jıl 1-yanvar jaǵdayına jergilikli byudjettiń anıqlanǵan erkin qaldıq qarjıları hám olardıń maqsetli baǵdarlanıwı dodalandı. Sonday-aq, usı qarjılardıń jumsalıwı boyınsha anıq usınıslar hám qararlar kórip shıǵıldı.
Sonday-aq, sessiyada aymaqtı rawajlandırıwǵa qaratılǵan bir qatar áhmiyetli máseleler de dodalandı. Sonıń ishinde, 2026-jılı ayırım túrdegi tovarlardı usaqlap satıw huqıqı ushın jıyım stavkalarına qollanılatuǵın koefficientler, ishki jollardı saqlaw hám kishi ońlaw jumısları boyınsha dáslepki mánzilli dizimdi tastıyıqlaw máseleleri kórip shıǵıldı. Bunnan tısqarı, húkimet qararları tiykarında rayonda ámelge asırılatuǵın jumıslar boyınsha tiyisli wazıypalar belgilep alındı.
Sonıń menen birge, xalıqtıń abadanlıǵın arttırıwǵa qaratılǵan baslamalar da sessiya kún tártibinen orın aldı. Sonıń ishinde, student hayal-qızlar kontrakt tólemleri ushın qarjı ajıratıw, kóp kvartiralı turaq jaylar tutas aymaqlarda "Jasıl baǵlar" shólkemlestiriw hám jer resurslarınan nátiyjeli paydalanıw boyınsha qararlar qabıl etildi. Sessiya juwmaǵında aymaqtı sociallıq-ekonomikalıq rawajlandırıwǵa xızmet etetuǵın áhmietli hújjetler tastıyıqlandı.