📰 Moynaqta press-konferenciya shólkemlestirildi
2026-02-09 14:55:00 / Jańalıqlar
Búgin, 9-fevral kúni Moynaq rayonı hákimliginiń Málimleme xızmeti tárepinen Xalıq penen pikirlesiw mexanizmlerin jetilistiriw temasında baspasóz konferenciyası shólkemlestirildi.
Búgin, 9-fevral kúni Moynaq rayonı hákimliginiń Málimleme xızmeti tárepinen Xalıq penen pikirlesiw mexanizmlerin jetilistiriw temasında baspasóz konferenciyası shólkemlestirildi.
🎤 Baspasóz konferenciyasında:
• Prezidenttiń Moynaq rayonındaǵı Xalıq qabıllawxanasınıń jetekshi qánigesi M.Seytnazarov, Mámleketlik xızmetler orayınıń direktorı A.Esbergenov tárepinen tarawda ámelge asırılıp atırǵan jumıslar, múrájatlar menen islesiw sisteması, xalıqqa xızmet kórsetiwdegi jańalıqlar hám erisilip atırǵan nátiyjeler boyınsha hár tárepleme maǵlıwmatlar berildi.
👥 Ilajda:
• 2 mıńnan 40 mıńǵa shekemgi jazılıwshısına iye bolǵan blogerler;
• ǴXQ wákilleri qatnastı.
❓ Baspasóz ánjumanı dawamında media wákilleri tárepinen xalıqtıń kúndelikli turmısında ushırasıp atırǵan mashqalalar, múrájatlar orınlanıwı, sonday-aq:
• gúz-qıs máwsimin zıyansız ótkeriw,
• mádeniy-ruwxıy ilajlardı nátiyjeli shólkemlestiriw;
boyınsha sorawlar hám usınıslar bildirildi.
💬 Juwapkerler tárepinen berilgen sorawlarǵa ashıq hám anıq juwaplar berildi, usınıslar dodalandı.
🧭 Ilajdı Moynaq rayonı hákiminiń Málimleme siyasatı máseleleri boyınsha másláháchisi D.Ablaeva alıp bardı.
✨ Bul baspasóz ánjumanı xalıq, mámleketlik uyımlar hám media arasındaǵı ashıq-aydın sóylesiwdi jáne de bekkemlew jolındaǵı áhmiyetli qádem boldı.