Aqılıy iskerlikti jaqsılawdı qálewshilerge 10 usınıs
2026-03-23 19:55:00 / Jańalıqlar
1. Hár kúni kitap hám gazeta-jurnal oqiń. Sonday-aq, 20-30 minut dawamında bir sport túri menen shuǵıllanıń. Hasla erinsheklik etpeń. Bul shıdamsızlıqtan derek.
2. Televizordı qısqa waqıt qarań. Ol sizge ulıwma kerek emes maǵlıwmatlar menen pikirińizdi aljastıradı.
3. Bir sutkada 6-8 saat dawamında uyqılań, uyqıńız normada bolsın. Túnde uyqılaw múmkin bolmasa, bul jumıstı kúndiz ámelge asırıń. Tolıq uyqı densawlıq hám salamat pikir girewi bolıp esaplanadı.
4. Qan aylanıwın jaqsılaw hám miy aktivlesiwi ushın racionıńızda geshir, kishmish hám ǵoza ónimleri bolıwı shárt.
5. Alıngan maǵlıwmatlardı yadta saqlap qalıwdı qáleseńiz, V vitamini kóp bolgan ónimlerdi paydalanıń.
6. Hárekecheńlikti arttırıw, miy hám organizmniń normal jaǵdayda islewi ushın temir elementi zárúr. Ol bolsa mına ónimlerde kóp muǵdarda boladı: jasıl alma, anar, qara nan.
7. Miy normal jumis islewi ushin tamırlarda nuqsan bolmawi kerek. Buǵan erisiw ushın bolsa limon, apelsin hám mandarindi kóbirek paydalanıw kerek.
8. Pikirlew procesin jaqsılaw hám tezlestiriw ushın kalciy hám kaliy zárúr. Ol sút hám sút ónimleri, keptirilgen erik hám pomidorda kóp boladı.
9. Kúnnen-kúnge jańa ideyalar tuwılıwı, este saqlaw jaqsılanıwı hám salamat bolıwdı qáleseńiz ánjir jeń! Sebebi onıń quramında miydi kislorod penen támiyinleytuǵın element bar.
10. Dám beriwshiler (zirawarlar, qosımshalar) miy iskerligin jaqsılawda júdá qolaylı boladı. Mısalı, zıǵır hám zamarrıq dıqqattı arttıradı, ashshı burish (burish, burish) miyde qan aylanıwın jaqsılaydı.
Aynash Maxambetaliyeva, Moynaq rayonı Medicina birlespesi Xirurgiya bólimi miyirbiykesi