Búgin Moynaq rayonı Xalıq deputatları Keńesiniń 28-sessiyası bolıp ótti
2026-01-30 15:55:00 / Jańalıqlar
Sessiya dawamında rayonnıń sociallıq-ekonomikalıq rawajlanıwına, xalıqtıń abadanlıǵın arttırıwǵa hám basqarıw nátiyjeliligin kúsheytiwge qaratılǵan 9 áhmiyetli másele kórip shıǵıldı.
🔹 2026-jılı kámbaǵallıqtı qısqartıw hám xalıqtı bánt etiw boyınsha tiykarǵı wazıypalar haqqında rayon hákiminiń xalıqqa jollaǵan múrájatı tıńlandı;
🔹 2025-jılı shańaraq hám hayal-qızlar bólimi tárepinen ámelge asırılgan jumıslar juwmaqları;
🔹 Mámleketlik uyımlar hám shólkemlerde puqaralardıń múrájatları menen islesiw jaǵdayı dodalandı;
🔹"Moynaq rayonlıq jollardan paydalanıw kárxanası" direktorınıń 2025-jılǵı esabatı kórip shıǵıldı;
🔹 Jámiyetlik pikir tiykarında ilajlardı qáliplestiriw hám byudjet procesinde puqaralardıń belsene qatnasıwın támiyinlew boyınsha jumısshı komissiyanıń esabatı tıńlandı;
🔹2025-jıldıń IV sheregine mólsherlengen jergilikli byudjet mákemeleriniń qárejetler smetasına ózgerisler kirgiziw máselesi kórip shıǵıldı;
🔹 Rayonlıq Keńestiń turaqlı komissiyaları quramın qayta tastıyıqlaw haqqında qarar qabıl etildi;
🔹 Aymaqlardı rawajlandırıw, bántlikti jedellestiriw maqsetinde islep shıǵılǵan "drayver" joybarlardan nátiyjeli paydalanıw boyınsha ilajlar baǵdarlaması dodalandı;
🔹 Deputatlardıń 2026-jıldıń I shereginde saylawshılar aldında esap beriw kestesi tastıyıqlandı.
✨ Kórip shıǵılǵan hár bir másele - rayonnıń turaqlı rawajlanıwına, xalıqtıń turmıs sapasın jaqsılawǵa qaratılǵan anıq qádem esaplanadı.