Moynaq rayonında 29-sessiya bolıp ótti
2026-02-12 14:55:00 / Jańalıqlar
2026-jıl 12-fevral kúni Moynaq rayonı hákimliginiń májilisler zalında Xalıq deputatları Moynaq rayonlıq Keńesiniń jigirma toǵızınshı sessiyası ótkerildi.
Sessiyada rayonnıń sociallıq-ekonomikalıq rawajlanıwına baylanıslı áhmiyetli máseleler kórip shıǵıldı. Sonnan:
🔹 Moynaq rayonı jergilikli byudjetiniń 2025-jıldaǵı orınlanıwı dodalanıp, byudjet qarjılarınıń maqsetli jumsalıwı boyınsha tiyisli qararlar qabıl etildi.
🔹 Rayondaǵı "Awır máhálle" sıpatında tańlap alınǵan aymaqta ámelge asırılatuǵın jumıslar boyınsha juwapkerlerdiń málimlemesi tıńlandı hám anıq wazıypalar belgilep alındı.
🔹Xalıq deputatları Moynaq rayonlıq Keńesi ÓzLiDeP deputatlıq toparınıń usınısına muwapıq, Moynaq rayonı "Insan" sociallıq xızmetler orayı direktorı A.Saxievning 2025-jıl dawamında ámelge asırılǵan jumısları haqqındaǵı esabatı tıńlandı.
🔹 "Bozataw" hám "Qızıl jar" awıl puqaralar jıyınların Jańa Ózbekstan kelbetine ózgertiw boyınsha ilajlar baǵdarlaması tastıyıqlandı.
Sessiya dawamında deputatlar tárepinen berilgen sorawlarǵa juwapker shólkemlerdiń wákilleri tárepinen tolıq juwaplar berildi.