Qaraqalpaqstan Respublikası Kegeyli rayonı hákimligi

Búgin Kegeyli rayonlıq "Nuranıy" qorı Bozataw rayonı "Nuranıy" qorı menen birgelikte rayondaǵı belsendi nuranıylardıń qatnasıwında Abat APJ aymaǵındaǵı "Qunnazarova Liza" fermer xojalıǵı atızında paxta terimine qatnastı.

Sonday-aq, rayonlıq "Nuraniy" qorı Aqtuba APJ aymaǵındaǵı "Ilham Sharipov" fermer xojalıǵında miynet etip atırǵan terimshilerdiń halınan xabar alıp, xalıqtı, ásirese, jumıssız puqaralardı terimge tartıw boyınsha úgit-násiyat jumısların alıp bardı.

Usı orında rayon aymaǵındaǵı jumıssız puqaralardı belsendilikke shaqırıp qalamız. Paxta terimi arqalı hám miynet etiw, hám shańaraq byudjetine dáramat kirgiziw múmkin. Hár bir terilgen paxta rayon qırmanınıń tasıwına hám elimizdiń rawajlanıwına qosılǵan úles esaplanadı.