Kegeylide jańa oqıw jılında - jańa mektep paydalanıwǵa tapsırıldı
2025-09-02 10:10:00 / Министрлик
Búgin Kegeyli rayonı Gújim terek máhállesinde 2025-2026-oqıw jılı baslanıwı menen birge jańadan qurılǵan zamanagóy 29-sanlı mektep imaratı da paydalanıwǵa tapsırıldı.
13 milliard 500 million sum qarjı esabınan qurılǵan, 330 orınǵa mólsherlengen bul bilimlendiriw ornında oqıwshılar ushın barlıq sharayatlar jaratıldı.
Ashılıw máresiminde rayon hákimi A. Kamalov qatnasıp, bársheni jańa oqıw jılı hám jańa mekteptiń ashılıwı menen qutlıqladı. 1-klassqa qádem qoyǵan balalarǵa Prezident sawǵaları saltanatlı túrde tapsırıldı hám birinshi qońıraw dawısları astında oqıw jılı baslandı.
Jańa mektep imaratı - jaslarımız ushın bilim, aǵartıwshılıq hám keleshekke isenim menen qádem qoyıw maydanına aylanarı sózsiz.
Búgingi kún tek ǵana jańa oqıw jılınıń baslanıwı emes, al barlıq watanlaslarımız ushın bayram, quwanısh hám úmit kúni boldı.