Qaraqalpaqstan Respublikası Kegeyli rayonı hákimligi

Búgin Kegeyli rayonı hákiminiń orınbasarları A.Tileulesov, G.Xojambergenova hám B.Jalǵasbaev tárepinen rayonlıq Xalıq qabıllawxanasında puqaralardıń jeke qabıllawı ótkerildi.
Qabıllaw dawamında puqaralar ózlerin qıynap kiyatırǵan mashqalalar, usınıs hám múrájatları menen juwapkerlerge tikkeley múrájat etti.

Múrájatlarda tiykarınan sociallıq máseleler, bántlik, kommunallıq xızmetler, abadanlastırıw, infrastruktura hám basqa da tarawlarǵa baylanıslı mashqalalar kóterildi.
Hár bir múrájat hár tárepleme tıńlanıp, juwapker shólkemler hám juwapkerlerdiń qatnasıwında úyrenildi. Múrájatlardı nızamlı hám unamlı sheshiw boyınsha tiyisli ilajlar belgilenip, orınlanıwı juwapkerlerge tapsırıldı.

Puqaralardıń múrájatların óz waqtında kórip shıǵıw, olardıń nızamlı huqıqları menen máplerin támiyinlew jáne kóterilgen máselelerdi ámeliy sheshiw boyınsha jumıslar izbe-iz dawam ettiriledi.