Kegeyli rayonında puqaralar múrájatları menen islew sistemalı túrde alıp barılmaqta
2026-06-12 18:10:00 / Министрлик
2026-jıl 31-may jaǵdayına Kegeyli rayonı puqaralarınıń Ózbekstan Respublikası Prezidentiniń Xalıq qabıllawxanası, Prezident pochtası, kóshpeli qabıllawlar, isenim telefonı, veb-sayt hám Kegeyli rayonı Xalıq qabıllawxanası arqalı kelgen múrájatları boyınsha maǵlıwmatlar berildi.
2026-jıldıń 5 ayı dawamında jámi 499 múrájat kelip túsken. Sonnan:
246 múrájat tolıq qanaatlandırılǵan;
176 múrájat huquqıy túsindiriw beriw arqalı sheshilgen;
1 múrájat biykar etilgen;
11 múrájat boyınsha túsindiriw jumısları alıp barılǵan;
3 múrájat uzaq múddetli nazoratqa alınǵan;
60 múrájat úyreniw dáwirinde.
Rayon boyınsha múrájatlardıń qanaatlandırılıw kórsetkishi 56,04 payızdı quraydı.
Múrájatlardı sheshiw barısında eń kóp kórilip atırǵan máseleler arasında:
18 jasqa shekemgi balalar napaqası;
aliment óndiriw máseleleri;
mútáj puqaralarǵa bir mártelik materiallıq járdem;
jumıs penen támiyinlew;
ishki jollardı ońlaw;
turaq jay máseleleri;
medicina xızmetleri boyınsha járdem sorıwlar bar.
Mekemeler kesiminde bir qatar baǵıtlarda múrájatlar boyınsha tiyisli jumıslar alıp barılmaqta. Atap aytqanda, gaz támiynatı, máhálle, elektr tarmaqları, suw támiynatı, májbúriy orınlaw hám basqa da tarawlar boyınsha kelgen múrájatlar nızam talaplarına muwapıq úyrenilip, sheshimler qabıllanbaqta.
Sonıń menen birge, Kegeyli rayonı hákimi A.Kamalov hám hákim orınbasarları bekitilgen jobaǵa tiykarlanıp, hár kúni Xalıq qabıllawxanasında puqaralardıń jeke qabıllawların ótkerip, olardıń máselelerin úyrenip, sheshiw boyınsha tiyisli jumıslardı alıp barmaqta.
Puqaralar menen ashıq baylanıs ornatıp, olardıń talap-usınısların óz waqtında qarap shıǵıw — rayon basshılıǵınıń tiykarǵı wazıypalarınan biri bolıp esaplanadı.