"Sońǵı qońıraw" - úlken ómirge dáslepki qádem!
2026-05-25 14:25:00 / Министрлик
Búgin mámleketimiz boylap ulıwma bilim beriw mekteplerinde "Sońǵı qońıraw" ilajları joqarı keypiyat hám kóterińki ruwxta ótkerilmekte.
Usı múnásibet penen Kegeyli rayonı hákimi A.Kamalov 55-sanlı ulıwma bilim beriw mektebinde "Joqarı bilimli áwlad - Renessans tiykarı" súreni astında shólkemlestirilgen "Sońǵı qońıraw" ilajında qatnastı.
Ilaj dawamında rayon hákimi pitkeriwshilerdi usı umıtılmas kún menen qızǵın qutlıqlap, Ózbekstan Respublikası Prezidentiniń pitkeriwshi jaslarǵa jollaǵan bayram qutlıqlawın oqıp esittirdi. Sonday-aq, jaslardı Watanǵa sadıq, bilimli hám eldiń rawajlanıwına múnásip úles qosatuǵın insanlar bolıp jetilisiwine shaqırdı.
Maǵlıwmat ushın, bıyıl Kegeyli rayonı boyınsha jámi 720 oqıwshı mektepti pitkermekte.
Barlıq pitkeriwshilerge haq jol hám aydın keleshek tileymiz!
-