Qaraqalpaqstan Respublikası Kegeyli rayonı hákimligi

Sessiya kún tártibinde dáslep Kegeyli rayonı prokuraturası tárepinen 2026-jıldıń birinshi sheregi dawamında jınayatshılıqtıń aldın alıw hám nızamshılıqtıń orınlanıwı boyınsha ámelge asırılǵan jumısları haqqında rayon prokuraturasınıń málimlemesi tıńlandı.
Sonday-aq, sessiyada Kegeyli rayonlıq ishki isler bólimi baslıǵınıń 2026 jıldıń birinshi sheregi dawamında huqıqbuzarlıqlardıń aldın alıw hám onıń profilaktikası  jaǵdayı haqqındaǵı esabatı hámde Kegeyli rayonı Ádillik bólimi tárepinen huqıqıy úgit-násiyat hám aǵartıwshılıq, norma dóretiwshiligi hám huqıqtı qollaw ámeliyatınıń jaǵdayı haqqında málimlemesi tıńlandı. 
 

Bunnan soń Kegeyli rayonı jergilikli byudjetiniń 2026-jıl 1-yanvar jaǵdayına anıqlanǵan erkin qaldıq qarjıları hám jóneltiriletuǵin qarjılar haqqında hámde Kegeyli rayonındaǵı “Awır” máhállelerde ámelge asırılıwı rejelestirilgen ilájlardı qarjılandırıw haqqındaǵı rayon hákimliginiń usınısları qarap shıǵıldı.

Sonday-aq, Kegeyli rayonlıq jaslar isleri bólimi baslıǵı A.Dúysenbaevtıń rayonda jaslardıń mashqalaların sheshiw, olardıń bántligin támiyinlew boyınsha ámelge asırılǵan jumısları, Kegeyli rayonında suwdan paydalanıwshılar kesiminde vegetaciya dáwirinde awıl xojalıǵı eginlerin suwǵarıw ushın suw alıw limitlerin tastıyıqlaw hámde Ózbekstan Respublikası Prezidentiniń 2026-jıl 5-fevraldaǵı PQ-47-sanlı qararınıń Kegeyli rayonında orınlanıwı boyınsha Kegeyli rayonı “Suw jetkerip beriw xızmeti” mámleketlik mákemesiniń usınısları qarap shıǵıldı.