Endi Kegeylide xalıqtıń dem alatuǵın orayı bar!
2026-04-14 10:50:00 / Министрлик
Búgin mámleketimiz sıyasatınıń baslı baǵdarlarınan biri xalıq ushın qolaylı sharayatlar jaratıwdan ibarat. Bunnan, Kegeyli rayonınıń xalqı da, olar ósirip atırǵan keleshek áwladta shette qalmadı.
Ózbekstan Respublikası Prezidentiniń Pármanına muwapıq, áhmiyetli joybarlardan biri - "Nurlı bostan" mákan puqaralar jıyını aymaǵında xalıqtıń dem alıw orayı shólkemlestirilmekte.
Joybar bahası 9 mlrd swm bolıp, xalıq, ásirese jaslar ushın seyil etiw, gastronomiyalıq kewil ashar orınlar, qıyaban hám mádeniy dem alıw imkaniyatları jaratılmaqta.
Qısqa múddette qurılıp, jaqın aylarda paydalanıwǵa tapsırılıwı rejelestirilip atırǵan bul oray tek ǵana rayonnıń kórkine shıray qosıp qoymastan, puqaralarımızdıń ruwxıy, mádeniy dem alıwı hám perzentleriniń baxıtlı balalıǵın birge ótkeriwi ushın gózzal mákanǵa aylanajaq.