Qaraqalpaqstan Respublikası Kegeyli rayonı hákimligi

Húrmetli Prezidentimiz Shavkat Mirziyoevtıń basshılıǵında                2026-jıl 13-mart kúni «Xalıq múrájatları menen islesiw sistemasın jańa dárejege kóteriw hám jámietshilik pikirin tereń talıqlaw»ǵa baǵıshlanǵan videoselektor májilisi ótkerildi. Bul májiliste belgilep berilgen baslı wazıypalardan kelip shıǵıp, xalıqtıń mashqalaları menen islesiwde Qashqadárya wálayatı Qarshı qalası mısalında aytılǵan tájriybeni nátiyjeli jolǵa qoyıw maqsetinde is-ilajlar rejesin islep shıǵılǵan hám onı Xalıq deputatları rayonlıq Keńesinde tastıyıqlap, xalıq penen tıǵız islesiw, olardıń múrájatların unamlı sheshiw, kóterilgen mashqalalar tiykarında aymaqtıń tarawlıq hám infrastrukturalıq rawajlanıwın támiyinlewimiz kerek.
Belgilengen wazıypalarǵa tiykarlanıp, 2025-jıl dawamında rayon xalqınan jollanǵan múrájatlar hám olar menen islesiw jaǵdayı analiz qılındı. 2025-jıl dawamında Prezident Virtual hámde Xalıq qabıllawxanalarına rayon puqaralarınan jámi 1295 múrájat kelip túsken, sonnan kórip shıǵılǵan 1295 múrájatlardan 854 (66%) múrájatlar óziniń unamlı sheshimin tapqan, 4441 múrájatlarǵa túsinik berilgen.
2024-2025-jıl dawamında kelip túsken múrájatlar analiz qılınǵanda emleniw ushın materiallıq járdem alıw, úy-jaylardı ońlaw máselesinde, ishki jollardı ońlaw maselesinde múrájatlar, bank kartalarınan pullardıń joǵalıwı yaki ózlestiriliwi maselesinde múrájatlar, sociallıq járdemge mútáj hayal-qızlarǵa bir mártelik járdem máselesinde, úy-jay menen támiyinlew máselesinde, bir mártelik materiallıq járdem máselesinde, balalar napaqası máselesindegi múrájatlarǵa tuwra keledi. Xalıqtıń múrájatların analizlew, jasaw shárayatların jaqsılaw hám aymaqtıń tarawlıq, infrastrukturalıq baǵdarında orın alǵan mashqalaların saplastırıw maqsetinde bir qatar jumıslar ámelge asırılıwı belgilengen.
Atap aytqanda,
Ózbekstan Respublikası Ministrler Kabinetiniӊ 2024-jıl 11-oktyabr kúngi “Qalalar hám basqa elatlı punktler kóshelerin hám ishki xojalıq jolları infrastrukturasın jánede jetilistiriw haqkında”ǵı 665-sanlı kararı tiykarında 2026-jıl ushın ajıratılǵan qarjılar esabınan ámelge asırılatuǵın ishki jollardı ońlaw jumıslarınıń mánzilli dizimi islep shıǵılıp tastıyıqlandı hám joybar-smeta hújjetlerin islep shıǵıldı. 2026-jılı 20,59 km ishki jollarǵa sheben-qum aralaspası (ShPS) jatqızıp oӊlaw jumısların alıp barıw rejelestirilgen. Búgingi kúnge mánzilli dizimge kirgizilgen jámi 6,76 km, sonıӊ ishinde, «Iyshan qala» APJ aymaǵında 2,22 km, «Júzim baǵ» APJ aymaǵında 2,292 km hám «Qumshungil» APJ aymaǵında 2,3 km ishki jollarǵa sheben-qum aralaspası (ShPS) jatqızıp oӊlaw jumısları juwmaqlandı.
Ózbekstan Respublikası Prezidentiniń 2025-jıl 27-dekabrdegi “2026-2028-jıllarda Ózbekstan Respublikasınıń sociallıq hám islep shıǵarıw infrastrukturasın rawajlandırıw is-ilajları haqqında”ǵı PQ-393-sanlı qararı menen “Jalpaq jap” APJ aymaǵındaǵı 33-sanlı mektep imaratın kapital oӊlaw,   “Kók ózek” APJ aymaǵında jaӊadan mektepke shekemgi bilimlendiriw mekemesi imaratın qurıw, “KS-3-1” kollektorınıӊ PK 70+40 degi dyukerdi rekonstrukciya qılıw, Kegeyli rayonı Mámleketlik salıq inspekciyası imaratın kapital oӊlaw hám “Baxıtlı” MPJ aymaǵında mámleketlik xızmetleri orayınıӊ Xalqabad filialı imaratın jaӊdan qurıw  jumısların ámelge asırıw belgilengen. Ózekstan Respublikası Prezidentiniń 2026-jıl 5-fevraldaǵı “2026-jılda aymaqlardı rawajlandırıw arqalı xalıqtıń dáramatın arttırıw, turaqlı jumıs orınların jaratıw hámde kámbaǵallıqtı qısqartırıw ilajları haqqında”ǵı PQ-49-sanlı qararı hám usı tiykardaǵı Qaraqalpaqstan Respublikası Joqarǵı Keńesi Prezidiumınıń 2026-jıl 6-marttaǵı “Awır rayonlar hám máhállelerdi kompleksli rawajlandırıw baǵdarlamaların tastıyıqlaw haqqında”ǵı 617-sanlı qararı menen Qanlıkól rayonın rawajlandırıw baǵdarlamaları ushın 15,0 mlrd.swm qarjı ajratılıp:
rayon orayın iri avtomobil jollarına, xalıq kóp jasaytuǵın aymaqlardı rayon orayına hámde basqa tutas rayonlarǵa baylawshı jollardı jaqsılaw, sanaat zonaları jumısların keńeytiw;
máhálleler qánigelesiwin tereńlestiriw boyınsha joybarlardı ámelge asırıw, sonday-aq, qolay infrastruktura shárayatın jaqsılaw;
irrigaciya tarmaqların, sonnan, xalıqtıń tamarqası hám ijáraǵa berilgen jer maydanlarına suwǵarıw sistemasın jaqsılawǵa qaratılǵan anıq manzilli baǵlarlamaları islenip, usı jumıslardı ámelge asırıw belgilengen.
Ózbekstan Respublikası Prezidentiniń 2025-jıl 8-oktyabrdegi “Ayırım rayon (qala) hám máhállelerdi xalıqtıń jasawı hám isbilermenlik jumısı menen shuǵıllanıwı ushın úlgili aymaqqa aylantırıw ilajları haqqında”ǵı PQ-298-sanlı qararı hám usı tiykardaǵı Qaraqalpaqstan Respublikası Joqarǵı Keńesi Prezidiumınıń 2026-jıl 13-fevraldaǵı “2026-jılda “Jańa Ózbekstan” kórinisindegi rayonlar hám máhállelerdi kompleksli rawajlandırıw baǵdarında ámelge asırılatuǵın ilajlar haqqında”ǵı 590-sanlı qararı menen Kegeyli rayonında 2 máhálle “Abat mákan” hám “Quyashlı” mákan puqaralar jıyını tańlap alındı, 10,0 mlrd.swm qarjı ajratılıp “Jańa Ózbekstan” kórinisindegi máhálle sıpatında qurılıs jumıslardı ámelge asırıw belgilengen.
Bunnan tısqarı, “Open budget” baǵdarlamasınıń 2026-jıl birinshi máwsiminde 5 joybar jeńiske erisip, usılardıń nátiyjesinde “Júzim baǵ” APJ aymaǵınan ótiwshi D234 “Nókis-Shımbay-Taxtakópir” avtomobil jolınıӊ 22-31-kilometri aralıǵında 5,0 km aralıqqa túngi jaqtılandırıw úskenelerin hám 3 dana transformator ornatıw, “Quyashlı” MPJ aymaǵınan ótiwshi D234 avtomobil jolınıӊ 22-36 kilometri alalıǵında túngi jaqtılandırıw úskenelerin ornatıw, “Qumshungil” APJ aymaǵındaǵı “Darwaza qum” shıpakerlik punktin medicinalıq úskeneler menen támiyinlew, “Abat mákan” MPJ aymagındaǵı “Nurlı guzarı”, “Aydın jol” hám “El ǵáziynesi” kóshelerinde 1800 metr ishki jolǵa asfaltobeton qaplamasın jatızıp oӊlaw, “Iyshan qala” APJ aymaǵındaǵı Iyshan qala kóshesindegi 1320 metr ishki jolǵa asfaltobeton qaplamasın jatızıp oӊlaw jumısları ámelge asırıladı. Joqarıda atalǵan Prezident selektorındaǵı tapsırmalardan kelip shıǵıp, xalıqtıń mashqalaları menen islesiwde tómendegi wazıypalardı ámelge asırıwdı usınıs etemen.
- Prezident Virtual hám Xalıq qabıllawanalarına kelip túsken múrájatlardı unamlı sheshiw dárejesin kóteriw boyınsha anıq is-ilajlardı ámelge asırıw;
- Bárshe dárejedegi basshılar tárepinen máhállelerde kóshpeli qabıllawlardı tek-ǵana atına ѳtkermesten nátiyjeli ótkeriw, puqaralar tárepinen kóterilgen mashqalalardı unamlı sheshiw ilajların kóriw;
- Múrájatlar sanı joqarı bolǵan mámleketlik organ basshıları óz tarawında júzege kelip atırǵan narazılıqlardı kemeytiw boyınsha “jol kartasın” tastıyıqlap, óz rejelerin xalıqqa jetkeriw;
- Múrájatlar menen islesiwde “máhálle jetiligi”niń juwapkershiligin asırıw, máhálle baslıǵı hám jaslar jetekshisi kelip tusip atırǵan múrájatlardıń kelip shıǵıw sebeplerin anıqlap, hár kúni rayon hákimine kiritip barıw;
- Prezident Virtual hám Xalıq qabıllawanaların kelip túsken múrájatlardı analiz etip barıw, puqaralar keypiyatına tásir etip turǵan máseleler boyınsha usınıslar tayarlaw.