"Eń jaqsı sociallıq joybarlar" tańlawınıń Kegeyli rayonı basqıshı bolıp ótti
2026-03-05 17:25:00 / Министрлик
Ózbekstan Respublikası Ministrler Kabinetiniń 2025-jıl 23-iyuldegi 462-sanlı qararına muwapıq, hayal-qızlardıń bántligi hám sociallıq belsendiligin támiyinlewge qaratılǵan "Eń jaqsı sociallıq joybarlar" tańlawınıń rayonlıq basqıshı joqarı dárejede shólkemlestirildi.
Tańlaw sheńberinde máhállelerde saylap alınǵan eń jaqsı sociallıq joybarlar rayon hákiminiń orınbasarı - shańaraq hám hayal-qızlar bólimi baslıǵı basshılıǵındaǵı komissiya tárepinen kórip shıǵıldı.
Tańlawdıń tiykarǵı maqseti - máhálleler kesiminde hayal-qızlardıń sociallıq belsendiligin xoshametlew, olardıń eń jaqsı ideyaların anıqlaw hám ámeliy joybarlardı qollap-quwatlaw bolıp esaplanadı.
Sonday-aq, tańlaw turaqlı jumıs orınların jaratıw hám hayal-qızlardıń ekonomikalıq imkaniyatların keńeytiwge xızmet etedi.