Kegeyli rayonında jaslar siyasatına baǵıshlanǵan media-tur ótkerildi
2026-02-10 21:15:00 / Министрлик
Búgin Kegeyli rayonında jaslarǵa qaratılǵan mámleketlik siyasat, jaratılǵan imkaniyatlar hám ámelge asırılǵan jumıslardı tallawǵa baǵıshlanǵan media-tur shólkemlestirildi.
Ilajda jurnalist hám sociallıq tarmaq belsendileri qatnasıp, rayonda jaslardıń bántligi, bilim alıwı, bos waqtın mazmunlı shólkemlestiriw hám huqıqbuzarlıqlardıń aldın alıw baǵdarında ámelge asırılıp atırǵan jumıslar menen jaqınnan tanıstı.
Media-tur dawamında "Jaslar balansı," "Jaslar dápteri" hám bántlik baǵdarlamaları sheńberinde erisilgen anıq nátiyjeler, mánzilli járdemler hám jańa baslamalar haqqında tolıq maǵlıwmatlar berildi.
👉 Bul media-tur arqalı jaslar menen islesiwdegi ashıq-aydınlıq, sistemalı qatnas hám ámeliy nátiyjeler ǵalaba xabar quralları hám sanlı platformalar arqalı keń jámiyetshilikke jetkerildi.