ÓzLiDeP tárepinen Kegeyli rayonı máhállelerde isbilermen hayal-qızlardı anıqlamaqta
2026-02-10 18:20:00 / Министрлик
Hayal-qızlardıń isbilermenlik dárejesin júzege shıǵarıw, olardıń social-ekonomikalıq belsendiligin asırıw, sonday-aq, máhállelerde isbilermen hayal-qızlardıń qatarın elede keńeytiwge qaratılǵan "Máhálleniń isbilermen hayalı" tańlawı sheńberindegi máhálle basqıshı házirgi kúnde orınlarda keń kólemde ótkerilmekte.
Atap aytqanda, Kegeyli rayonındaǵı "Abat makan," hám "Nurlı bostan" mákan puqaralar jıyınlarında tańlawdıń máhálle basqıshı bolıp ótti.
Onda xalıq deputatları Kegeyli rayonlıq Keńesi sekretariatı baslıǵı ÓzLiDeP deputatı B.Iskenderov hámde ÓzLiDeP Kegeyli rayonlıq Keńesi apparat baslıǵı P.Bayjanovlar qatnasıp, máhállelerde jumıs alıp barıp atırǵan isbilermen hayal-qızlar menen ushırastı. Ushırasıwlar dawamında hayal-qızlardıń isbilermenlik xızmeti, erisken jetiskenlikleri, mashqalaları hám keleshektegi rejeleri menen jaqınnan tanıstı.
Tańlaw sheńberinde "Abat makan" MPJda jumıs alıp barıp atırǵan isbilermen Jumanova Zamiranıń "Gloriya perdeleri" jeke menshik tigiw cexı hámde «Nurlı bostan» MPJ aymaǵında jumıs alıp barıp atırǵan isbilermen Allamuratova Salimanıń «Asemay» gozzallıq salonı jumısları menen tanıstı.