Qaraqalpaqstan Respublikası Kegeyli rayonı hákimligi

Assalawma áleykum, húrmetli rayonımız turǵınları hám kásiplesler!

Men,Dosbergenov Mayrambay Tangatarovichtiń, Kegeyli rayonı medicina birlespesiniń baslıǵı sıpatında, Ózbekstan Respublikası Prezidenti Shavkat Mirziyoevtiń 2025-jıl 26-dekabr kúni Oliy Majliske hám Ózbekstan xalqına jollaǵan Múrájatında belgilep berilgen tiykarǵı wazıypalar, atap aytqanda, korrupciyaǵa qarsı gúresiw máseleleri boyınsha berilgen tapsırmalardıń óz jámáátim menen birgelikte úlgi bolıp orınlanıwın támiyinlewge korrupciyaǵa qarsı turaqlı bolıwǵa wáde beremen.

Mámleketimiz basshısınıń atap ótkenindey, korrupciya - mámleket hám jámiyettiń rawajlanıwına úlken tosqınlıq bolıp, ol xalqımızdıń ádillikke, nızam ústinligine hám mámleketlik uyımlarǵa bolǵan isenimine zıyan jetkeredi. Ásirese, densawlıqtı saqlaw sistemasında korrupciyanıń hár qanday kórinisine qatań jol qoyıp bolmaydı, sebebi bul taraw tikkeley insan ómiri hám balalarımızdıń densawlıǵı menen baylanıslı.

Keyingi jılları mámleketimizde, sonıń ishinde, densawlıqtı saqlaw sistemasında korrupciyanı saplastırıw, ashıq-aydınlıqtı támiyinlew baǵdarında sistemalı jumıslar ámelge asırılmaqta. Sonıń ishinde, 2025-jıl 21-apreldegi 147-sanlı Prezident qararı menen tastıyıqlanǵan "Korrupciyadan jıraq 5 taraw" baǵdarlaması sheńberinde densawlıqtı saqlaw sistemasın korrupciyadan jıraq taraw sıpatında qáliplestiriw wazıypası qoyıldı.

Biz, Kegeyli rayonı medicina birlespesi jámááti, usı wazıypalardıń orınlanıwın támiyinlew maqsetinde tómendegi ámeliy jumıslardı izbe-iz alıp barmaqtamız:

1. Sanlastırıw jumısları.
✅ Barlıq ambulator hám stacionar múrájatlar DMED sisteması arqalı júrgizilmekte;
✅ Másláhát poliklinikasında elektron náwbet sisteması engizilgen;
✅ Joqarı texnologiyalıq diagnostika hám emlew ushın elektron order sisteması ámelde;
✅ Elektron recept sisteması engiziwdiń juwmaqlawshı basqıshında.
2. Medicinalıq qamsızlandırıw sisteması tiykarında xizmetlerdi shólkemlestiriw.
3. Korrupciya jaǵdayları boyınsha múrájat etiw ushın isenim telefonlarınıń jumısı jolǵa qoyılǵan.
Oraydıń barlıq bólimlerinde korrupciyaǵa qarsı úgit-násiyatlaw materialları jaylastırılǵan.
5. Nawqaslar hám olardıń jaqınlarınıń pikirin úyreniw ushın anonim sorawlar turaqlı ótkizilmekte.
6. Stacionar nawqaslar 80 procentke shekem dári-dármaq penen biypul támiyinlenbekte.
7. Hár bir bólimde biypul bar dári-dármaqlar dizimi turaqlı túrde jańalanıp barılmaqta.
Sonıń menen birge, men basshı sıpatında:
✅ korrupciyanıń hár qanday kórinisine pútkilley mawasasız múnásibette bolıwımdı;
✅ xızmet dárejesinen jeke máp jolında paydalanıwǵa jol qoymawımdı;
✅mákemede ashıq-aydınlıq hám ádillik principlerin qatań támiyinlewimdi;
✅ barlıq xızmetkerlerden nızamlarǵa qatań ámel etiwdi talap etetuǵınımdı bildirmekshimen.
Hár bir xızmetker sonı ańlap jetiwi kerek, korrupciyaǵa qarsı gúresiw - tek ǵana basshınıń emes, al bárshemizdiń hújdanlı hám puqaralıq minnetimiz. Hadallıq hám juwapkershilik biziń kúndelikli jumısımızdıń tiykarǵı ólshemi bolıwı shárt.

Húrmetli puqaralar!

Eger, Medicina birlespemizde korrupciya menen baylanıslı jaǵdaylarǵa dus kelseńiz, biypárwa bolmań hám tómendegi isenim telefonlarına xabarlasıń:

Medicinalıq birlespesi
✅ isenim nomeri:  (61) 412 14 50
➤Kegeyli  rayonı medicina birlespesiniń baslıǵı 97 508 75 87

Biz korrupciyaǵa birgelikte qarsı turamız!

Korrupciyasız sistema - sapalı medicinalıq xızmet hám xalıq iseniminiń girewi.